هجص .. وأهو كله بياكل عيش!!

5
0
اصبحت مودة .. الرجيم .. كلمة واخدة تلت الانترنت ومئات الكتب وعشرات البرامج ونمشى على الرجيم شوية وبعدين نرجع نفشل تانى .. وياللا من اول وجديد ..



احنا ما بنعرفش ننظم امور حياتنا اليومية اصلا .. ليه ؟ حد يقوللى .. كل اكلنا رز ومكرونة وعيش وخضار متسوى على النار بكل انواع الزبد والزيوت.. طبعا زائد اللحوم وهى فى الغالب فراخ ما يعلم بها الا ربنا .. مش هو ده اكلنا شبه اليومى ؟؟ طبعا لازم نتخن ونرمى دهون على بطننا وجوة فى شراينا ..

حدش جاب سيرة الخضار الطازة ..الموال ده بقى ؟؟ فين فلسفة ان معظم الشفاء فى شرب الماء !! احنا تقريبا اربع اخماس وجبتنا بتكون كربوهيدرات .. مع ان الصحى ان تكون اقل ما يمكن . وان الخضروات الطازة تكون نصف الوجبة ..

وان نأكل الفاكهة قبل الوجبة بساعة ..

ونشرب المية طول اليوم مش فى وسط الأكل ولا بعده ..

وما نشربش على الأكل لا عصاير ولا حاجة ساقعة - بقت موضة -

ولازم نمضغ جيدا ونمتنع عن استعمال السكر الأبيض وكمان نقلل الكمية ..
وعن امتلاء البطن اقول انه الشر كله كما قال رسول الله صللى الله عليه وسلم

..

اللى عايز يعمل رجيم بقى يعيد القراءة ويكون عنده ارادة ويبدأ فى تنظيم حياته اليومية وبالتالى صحته واخيرا ميزانيته..

 

إضافة منذ 11 عام
الكاتب الأصلي
تعديل منذ 8 عام

التعليقات

لا يوجد
zedony.com - A mmonem.com production. Privacy Policy