لما يكون الانسان سهران بالليل بيعمل حاجة على المكتب .. مفيش اجمل من انه يستمع الى اى منوعات موسيقية .. خصوصا الموسيقى الخفيفة .. انا كنت اسمع عن موسيقى الجاز بس عمرى ما ركزت فيها .. لكن لما اصبحت اجلس الى الحاسوب وقت طويل لقيت ان الاستماع الى الجاز شىء رائع .. عارفين .. كأنك راكب قارب شراعى فىوقت قبل الغروب او كأنك مستلقى على سطح سحابة ماشية بهدوء مع نسمة خفيفة او كأنك مسترخى على شاطئ بحيرة لونها ازرق مخضر وشمس بعد العصر بتبرق على سطح المية والبحيرة فى وسط غابة خضارها يخبل وحواليك زهور الوانها تسحر ... الخيالات دى كلها بتحسها مع انك سهران بالليل والدنيا ضلمة..