اصنعى *الجبنة الكوبايات والدوبل كريم* فى بيتك

7
2
جربوها ومش هتندمو
اول حاجة بتجيبى 2لتر حليب وتحطية يغلى على النار واول مايغلى ضيفى 3معالق خل كبيرة هيبتدى يقطع معاكى اطفى النار وسبية شوية صغيرة وبعد كدة صفية فى شاشة او مصفة ضيقة دى هتطلع جبنه قريش .

ازاى بقى تخليها دوبل كريم :
هتجيبى الجبنة اللى اتصفت تماما وتضربيها مع 4 معالق كبار قشطة وزودى ذرة ملح وضربيها كويس بالمضرب او الخلاط
وبس خلاص بقت جبنة دوبل كريم.

نيجى بقى للجبنة الكاسات او الكوباية :
هتجيبى برده الجبنة بعد ما صفتيها كويس اللى هى طلعت قريش وهتحطى معاها 3 معالق قشطة كبار وكمان 2 معلقة زبدة بحرارة الغرفة واضربيهم وضيفى كمان ذرة ملح وحسب زوقك وافكارك بقى ممكن تضيفى حتة جبنة رومى صغيرة بعد بشرها ناعم أو فلفل أخضر أو زيتون أسود وأخضر .

على فكرة الجبنة الدوبل كريم دى خطيرة جدا فى التشيز كيك بتطلع تحفة
{{uf:786}}

 

إضافة منذ 10 عام
tafatifi
5264
غير محدد
تعديل منذ 2 عام

التعليقات

زغباوية منذ 10 عام
تحفة انا بعملها كدا بس لما اللبن بيجبن مني
safaa منذ 10 عام
يعنى عن تجربة
mora منذ 10 عام
+1 ان شاء الله هجربها
عبد المنعم منذ 10 عام
الجبنة البياتى يا جبيييييبنة
safaa منذ 10 عام
زى المقام البياتى كدة يا tafatifi ...يااااه نفسى تعزفىلى المقام البياتى بجد
أم العيال منذ 10 عام
إنتي جربتيها؟؟؟
tafatifi منذ 10 عام
جربتها من فترة وهاعملها تانى
zedony.com - A mmonem.com production. Privacy Policy