المقادير : بيضتين _200 جم دقيق (كوب) _ 200 حم سكر _معلقة بيكنج بودر _ نص معلقة فانيليا _ معلقتين كبار كاكاو _ كوب ميه دافية _ رشة ملح _ نص كوب زيت .
الطريقة : تحطى البيضتين وعليهم السكر والفانيليا والمية الدافية والزيت ... وتقلبى بمضرب سلك .
تجيبى الدقيق وتحطى عليه الكاكاو والبيكنج بودر ورشة ملح ....وتخلطيهم كويس .
تنزلى بخليط الدقيق على البيض والسكر شوية شوية وبالمضرب السلك تضربيهم كويس .
تدهنى قالب صغير تدهنيه بالزيت وتبطنيه بالدقيق وتصبى فيه الخليط وتدخليه الفرن لمدة 40 دقيقة على درجة 180 . (
أنا عملتها فى قالب مفتوح من النص وكانت تحفة)
صوص الشيكولاتة : مكعب صغير شيكولاتة خام تسيحيه على حمام بخار ولما تسيح الشيكولاتة تضيفى عليها 3 معالق لبن وقطعة زبده صغيرة واقلبيهم كويس وسبيهم يبردو شوية ( مش أوى ).
لما تطلعى الكيكة من الفرن غطيها بصوص الشيكولاتة وحطيها فى التلاجة شوية .
ودوقى بقى أحلى طعم ...............
وبالهنا و الشفا ............