التليفون بين النعم و الـ لا

لان الراجل اساسا بيعتبر ان مراته ملكية خاصة مش من حقها تعمل اى حاجة غير انها تسهر على خدمته وراحته واى حاجة تانية مالهاش حق فيها

هقولك انا يا ستى لان الراجل اكثر حذما من المراه وكمان المراه اكثر عاطفيا وكمان المراه اكثر دهائا فانا اضمن منين انها بتكلم صحبتها؟؟؟ وبعدين اضمن منين ان صاحبتها ده متاثرش عليها ؟؟؟ واخاف عليها من الاعلام الفاسد واخاف عليها تتسحب على الكمبيوتر او النت وده نوع من انواع الحب والغيره

والله الواحد فعلا دماغه بتتشتت والشيطان بيقعد يصورله حاجات غريبه ودماغه بتعد تروح وتيجى

ومن الاخر هوا كدا بقى وخلاص

الرجل دائما يحب يكون رقم واحد في قلب وعقل وفكر واهتمامات مراته
فأنشغالها عنه بأي حاجة يبقى أهمال وتقصير
وكمان الفكره ان الأهتمامات مختلفه يعني كلامك مع صاحبتك هيبقى انشغال عنه وكمان هتفرسيه لأن حوارات الستات الممتعه ليكي ممله ليه وهايفه وبرضه ماتشات الكورة بتاعة الرجاله ممله جدا للستات يبقى الحل في المشاركة أو التنازل
يعني زي ماهي بتشاركك اهتمامك بالكوره تتغاضى عن رغيها في التليفون بس ارجع واقول اصلا كست مش مطلوب منك في وجود
زوجك انك تهتمي غير بيه وفي اي وقت تاني اتكلمي وادخلي على النت وغيره. وتحليلي لفعل الرجل هو الغيره هوبيبقى عايز مراته جنبه حتى لو ساكته بس مافيش حاجة تاخدها منه بس لازم يعملها بطريقة سي السيد عشان مايبينش مشاعره وده في حد ذاته مش وحش خليكي انتي ست امينه الذكيه والعصريه

اللي قال ان الرجل مثل الطفل الصغير كان عنده 1000 حق.شوفي لما تتكلمي في التيلفون وتطولي شويه اطفالك بيعملوا ايه الطلبات تحلي لهم قوي ..... ياماماعايز اكل..ياماما عايزه اقولك حاجه مهمه..يامامامش فاهم حاجه في الهومورك.ياماماااااااااااااااااا.اعتقد انهم مش عاوزينك تهتمي بحد غيرهم.الرجل كده برضه بيغير ومش عاوزك تهتمي باي حد غيره