ممكن نجيب إيه من السوبر ماركت ونحضره كوجبة غداء سريعة

7
2
الواحد ممكن يجيب إيه من السوبر ماركت ويحضره كغدا بسرعة كده بدون وش ومن غير تعب. مع العلم إني مبحبش اللحوم.

حاجة كده حاجة زي التونة ينفع الواحد يروح بيها أي حتة وبشوية ليمون وشوية ملح يتدبرو بسرعة كله يبقى تمام

طبعا محدش يجيب سيرة النودلز أو أي شيئ مشكوك في كونه مضر بالصحة

 

إضافة منذ 9 عام
غير محدد
تعديل منذ 7 شهر

التعليقات

زغباوية منذ 9 عام
سؤال حلو اوى
Lady Rasha Reda منذ 9 عام
أفهم بس السوال !! حاجه سربعه فى البيت و تاخدها الشغل ، و لا سريعه تحضرها فى الشغل ؟؟
Lady Rasha Reda منذ 9 عام
سوال كمان الشغل فى ميكرويف ولا لأ؟
محمد عبد المنعم منذ 9 عام
والله الأساس في الشغل لكن مايضرش نعرف طرق للبيت كمان.
أنا ضد الميكرويف أساسا

الإجابات

5
الاجابة هاتختلف بمختلف الاذواق
يعنى ممكن تجيب:

رنجة فيليه(لو ليك في الرنجة) وتعمل جنبها بطاطس محمرة وشوية خيار

جِبن وتعملها ساندوتشات مع عسل اسود بالطحينة(هو فطار بس مش هايحصل حاجة لو اتغدينا بيه)

كيس مكرونة

مشروم (بيستوى بسرعة)

فيه معلبات ورق عنب او محشي اى صنف او فاصوليا بس انت طال حاجات صحية

فيه معلبات انشوجة او سردين زي التونة

فيه معجنات نصف مجهزة زة الباتيهات والسمبوسك والبيتزات بالجبن او الخضروات

دول اللى في بالي دلوقتي
إضافة منذ 9 عام

التعليقات

محمد عبد المنعم منذ 9 عام
شكرا ... أنا عايز أدق التفاصيل وياريت تفصلي السهل تحضيره من اللي ممكن يتحضر في الشغل أو بإمكانيات قليلة زي التونة كدة
الباشمهندسة منذ 9 عام
كل النص التحتاني وش ووجع دماغ ولازم يتعمل في البيت
زغباوية منذ 9 عام
ممكن تعدل مشاركتك على اساس ان الاكلات دى هاتاكلها في الشغل ومش البيت لانها هاتفرق في التجهيز
4
ممكن الساليزونات بتكون عمليه أوى بره البيت .
ممكن كمان عيش توست وشوية جبن رومى على شيدر على نستو وزيتون وفلفلاية مقطعة ونعملهم ساندويتشات فى التوستر لو في أو فى الفرن بتبقى
تحفة جدا وخطيرة.
ممكن مكرونة بالتونة سهلة جدا وسريعة جدا وحلوة جدا.
إضافة منذ 9 عام
tafatifi
5264

التعليقات

لا يوجد
5

نجيب عيش كيزر ونقطعه نصفيين ونرصه فى صنية وندهنه بالصلصة

وزيت الزيتون ونحط علية اى حاجة موجودة عندك زيتون فلفل الوان

اى نوع جبنة عندك او تونة

وتدخل الفرن على الشواية وفى خمسة دقائق يكون فيه وجبة متكاملة

العناصر الغذائية

وبالهنا والشفاء..
إضافة منذ 9 عام
safaa
50483

التعليقات

tafatifi منذ 9 عام
+++1
جميلة اوى
الباشمهندسة منذ 9 عام
البيتزا العجيبة 😞
زغباوية منذ 9 عام
انا مسمياها بيتزا الكسلانين علشان سهلة جدا وبعملها كتير علشان انا اكسل واحدة تعمل اكل
3
ولله عن تجربه الذ واسهل حاجه كيس بطاطس فارم فريتس مع كيس كوكى ربع ساعه بظبت وادى يا باشا ويا سلام لو فيه شويه كاتشب كده ولو حبيت شويه حركات كيس سوسيس بردو لذيذ وسريع التحضير وبيبقى تحفه فى السندوتشات
إضافة منذ 9 عام
Eng Ahmed
7237

التعليقات

tafatifi منذ 9 عام
بانية 3 شيفس احلى بكتير والسوسيس لأأأأأأأأأأ
Eng Ahmed منذ 9 عام
اشمعنى بقى؟؟
أم العيال منذ 9 عام
شكلك كده يا أحمد انحرفت عن نهج العيلة والمبدأ اللي احنا متربيين عليه مع بعض؟كوكي يا أحمد؟؟؟؟؟؟؟؟؟!!!!!
Eng Ahmed منذ 9 عام
هههههههههههههه هنعمل ايه بس وبعدين مش زنبى هما اللى بيقولى كوكى كوكى كوكى كل الناس بيحبوكى 😞
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy