تعرف أمثال شعبية ؟؟؟

أنا طبعا اللى هبدأ

الشاطرة تقول للفرن قيد من غير وقيد
وأنا أعمل حاجتى بايدى وما أقولش لحد يا سيدى

بيتهيألى كده أن معناه أن أنا أعتمد على نفسى ومستناش
أى مساعدة من أى حد والله أعلم


قال يا مآمنه للرجال يا مآمنة للمية فى الغربال

ان غاب القط العب يا فار

ربي ياخايبه للغايبه

أبن الشيبه للخيبه

ابن الوز عوّام

كفايه من الدسته مغرفه

لبس البوصه تبقى عروسه

حمارتك العارجه ولاسؤال اللئيم

ضربوا الأعور على عينه قال ماهي خربانه خربانه

وأكتر مثل ضحكني:
(أبوك البصل وأمك الثوم منين تيجيك الريحه الحلوة يامشئوم)

لسانك حصانك
ان صنته صانك
وان هنته هانك

امشي سليم يحتار عدوك فيك

قلبي على ولدي انفطر
وقلب ولدي علي حجر

النصاص قامت والقوالب نامت

الى تحسبه موسى يطلع فرعون

اللى كالوه بط بط



طلع عليهم وز وز

ايش تعمل الماشطة فى الوش العكر


قال يا واخد القرد على ماله ... يروح المال ويفضل القرد على حاله

انا غنية واحب الهدية

ايش يلخد الريح من البلاط


مش كل مرة تسلم الجرة

ايد واحدة ما تسقفش

على اد لحافك مد رجليك

امثال رخمة:
نهيتك مانتهيت والطبع فيك غالب وديل الكلب عمره لن ينعدل ولو علقوا فيه قالب

ياواخد القرد على ماله يروح المال ويفضل القرد على حاله

خدو مني انا بقا :-
~~~~~~~~
كل فولة موسوسة ليها كيال اعمى ( كل فولة وليها كيال)

اللي بيته من ازاز ميغيرش في الصالون (اللي بيته من ازاز ميحدفش الناس بالطوب)

اقلب القدرة على فومها يدلئ الفول منها ( اقلب القدرة على فومها تتطلع البنت لأمها )

سمعت بلال فضل عن امه انها قالت :: العايط فى الفايت نقصان عقل !!!


ودى ممكن تكون مبدا يحتذى به فى الحياة .. ومعناه اللى فات سيبك منه وتقدم الى الامام .. او يا عم كبر دماغك.... الخ الخ الخ ا لخ

المعزه العايطة مايأكلهاش الديب(يعني لما يكون ليك صوت ومبدأ في الحياة ماحدش ياكل حقك)
والشاطرة تغزل ولو برجل حمار(يعني الست الشاطرة المدبرة تتصرف وبأقل الأمكانيات وفي أسوأ الظروف

الكعكه في أيد اليتيم عجبه(يعني الناس بتحسد غيرها على أي حاجه مهما كانت بسيطة زي الكعكه اللي في ايد اليتيم)
الأبره اللي يطول خيطها تضيع(يعني يفضل في مشاكل الحياةوضع النقط على الحروف لأن النقاش و الكلام الكتير في مشكله معينه بيزهق وبيفقد الموضوع معناه)
لأجل الورد ينسقي العليق(يعني عشان الحاجة الحلوة لازم نستحمل الحاجات الوحشة اللي في النص)

اقلب القدره على فومها الفول يقع منها

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

القرش الأبيض بيعوم فى البحر الأحمر
من خرج من داره مينساش يأخد المفتاح معاه

إصرف ما فى الجيب ... يأتيك خراب البيت

ضربوا الاعور على عينه قال ....اىىىىىىىىىىىىىىى
المال السايب يعلم الطلبه

قالوا للحرامى أحلف قالهم وحياة قلبى وأفراحوا

فيه مثل انا مقتنعة بيه جدا وفعلا معمول علي اسس علمية فنية سياسية بحته


الحداية ما بتحدفش كتاكيت