من اليأس للأمل.. من الحلم للحقيقة.. صنع شباب مصر بإرادة الله المعجزة.. إسمع ومش هاتندم :) وصباحكم أمل || سيبكم من كل اللي حصل، أنا اليوم ده كنت مبسوط جداً.. كنت مبسوط لأني شوفت ناس لأول مرة كانت طالعة مظاهرة.. ناس ملهاش أى سوابق من أى نوع في الإعتراض أو التظاهر.. الحقيقة إن أنا لما خرجت من معسكر الدراسة، كنت خارج بني آدم.. بني آدم مصري بجد.. قبليها كنت قربت أكره مصر، ومكنش عندي أمل في الإضراب ولا أمل في أى حاجة، بس بجد بعد ما دخلت المعتقل 8 ساعات شوفت رجالة بجد، رجالة في أولى ثانوي أول مرة يخرجوا لمظاهرات، سألتهم اليوم ده لو إتكرر هاتنزلوا تاني؟ قالوا لي ننزل تاني وتالت ورابع لحد ما البلد دي تتغيّر.. بجد أنا حاسس لأول مرة إني فخور إني مواطن مصري، ساعد أو حاول يساعد في الإعتراض على كل البلاوي اللي مالية البلد.. ورجعت أحب مصر لما لقيت لسه فيها رجالة