لأنـنّـــا وضـعـنـاهــــم فــــي أمـاکــــن ضـعـفـنـــــا

او جايز علشان بنحطلهم صورة وسلوكيات في خيالنا مش حقيقية اصلا

فعلا:-)+1

وزى مبيقولو مرايه الحب عميا

+1

تعبير خاطىء ان مراية الحب مش عارف ايه !!! يا جماعة الواقعية العملية احسن طريقة للعيش بكرامة بلا حب بلا بدنجان !!

لأ طبعا ياعمو مافيش انسان بيعرف يعيش من غير حب وأحنا أتخلقنا مخلوقات عندها أحساس ولاّ يعني هنقلب ربوتات حتى لو الأنسان واقعي وعملي

الحب اللى تقصدينه هل هو حب الافلام الرومانسية البعيد تماما عن واقع الحياة اليومية .؟؟ولا الحب هو هدوء وود والتزام وسكينة لذيذة فى تفاصيل الحياة اليومية ؟؟؟ ولا تقصدى الحب اللى هو مناقض الكراهية ؟؟
الحياة الزوجية بتلم كل اللى قلناه فى دهاليزها .. واحنا كمصريين حياتنا صعبة .. لاننا عايشين فى ظلم من كل ناحية .. اولها الدخل اللى مخسوف به الارض .. وقت العمل المفتوح حسب حاجة العمل .. ودا ضد القانون .. الوقت الضايع فى الانتقال من مكان الى اخر .. كل دا ضغط عصبى واقتصادى وسياسى يؤدى الى ضغط اجتماعى بيقع على الاسرة .. ولذلك على مكونات الاسرة ان تبتعد عن الالحاح فى التذمر والشكوى المستمرة وخلق النكد .. ويجب ان نتعلم كيف نسرب المشاعر السلبية من نفوسنا اول باول كى لا تتراكم فى داخلنا .. التسامح والمرونة والرحمة والحنان .. الكل طالب حنان !! وما حدش بيديه لحد .. دى مشكلة كبيرة جدا كلنا عايشينها ...
الموجز يالولو: الحياة الاسرية فى عصرنا هذا فى مصر تحتاج ان نكون فلاسفة .. والله الموفق !!!

يا لهوى !!! انا كتبت دا كله ازاى وامتى ؟؟؟

ياعمو انا اقصد الحب الصادق الخالص لوجه الله بدون غرض يعني لو الراجل بيحب زوجته والعكس المفروض بيتسابق كل منهما لأرضاء الطرف التاني على حساب نفسه وكمان بيسامحوا وبيتغاضوا عن حاجات كتير بسبب الحب ده وكل واحد منهم بيعمل اللي يقدر عليه عشان يكون عيله وأولاد خلوقين ومتفوقين وكل ده من خلال مشاركتهم لبعض وتوحدهم وخوف كل واحد على مشاعر الأخر وأحترامه للطرف التاني
لوالراجل أو الست بيحبوا شغلهم بيبذلوا الجهد عشان ينجحوا ويوصلوا لأعلى المناصب بدون غش وكده كده
برغم أن الحياه صعبه ومقرفه وفيها من النماذج السيئه مالا يعد ولايحصى وبالرغم أن أكل العيش مر الحاجة الوحيده اللي بتهون على الكل وتسهل الصعب وتجدد النشاط هو الشعور بالحب والحنان لأنه بيشحن الأنسان بطاقه روحانيه بتخليه عنده القدره على الأستمرار برغم كل صعب
بس فعلا المشكله أن في ناس بتعتبر الحب ده نقطة ضعف وبتحاول تستغل اللي قدامهاوتاخد بدون عطاء لحد ماالحب ده بيتقلب فعلا لكره من كتر الأستغلال لطيبة المحب وفعلا زي مابتقول الحكمة مش لأن الواحد طيب ومغفل لأ لأنه بيثق في ناس وبيديهم من روحه والناس دي تستغل الثقه والحب والتعلق وتخليها نقطة ضعف ليه
ثانيا:وأيه المانع أننا نبقى فلاسفه ونحاول نفسر الدنيا واللي فيها ونستخلص المفيد والقيم و المهم نستفيد من فلسفة وتأويل الحياة ونتعلم مش نقضيها كلام وبس

عجبك كده ياعمو:أديك عديتني وكتبت كتير بس عشان أوضح وجهة نظري ويارب تكون مفيده:-(

على فكرة الحب مشروع فاشل ... الزواج مشروع فاشل .. الحياة مشروع فاشل .. المشروع الوحيد الناجح هو الايمان .. وعدم الارتكان الى الناس .

لأالحب هو اساس كل ده والأيمان هو الأمان والبدايه والخاتمه الحلوة وليه مانعملش ده كله في ظل الأيمان ولاّ هو عشان نبقى مؤمنين لازم نبقى ميتين وحياتنا قفل مسوجر هذه نقره وهذه نقره

ايه الاحباط ده ماهو الحب والزواج والحياة ربنا خلقهم لنا والايمان هو حب الله والتسليم لكل اوامره والبعد عن كل نواهيه ايه اللى دخ الفشل في الموضوع كله مرتبط بكله بس التوازن

وهو فين بقى التوازن ؟؟؟ ما هو بالعقل .. زى ما تاخد لازم تدى .. علشان تاخد تانى .. اسمه الحث الذاتى .. منه واليه .. لو مفيش ؟ يبقى نهب وتجريف واستنزاف عواطف .. حرام .. طب ممكن نستنفذ كل الخيارات وبعدين نقرر...؟

ياعمو وهو الحب الصادق أيه غير أنك زي ماتاخد لازم تدي أي حاجه غير كده ماتبقاش حب في كل المشاريع (عمل -جواز-تربيه-صداقه ألخ)ولو توج بالأيمان يبقى ده سر النجاح:-(

طب اخر محاولة :: كل واحد منا يواجه نفسه بعيوبه الذاتية ؟؟ ويصلح فيها اويرممها او يلزقها .. ومهم جدا الاخلاص فى المعالجة ..

طبعاياعمو

لسة بقى الخاتمة .. المواجهة والجهر بكل الصراحة وكشف كل ما كان مسكوتا عليه .. وبكدا نقفل الموضوع .. والله الموفق !!!