المواضيع المكرره ، حلها أيه؟؟؟؟؟؟؟؟؟؟؟؟؟

كلامك مهم وانا كمان عاوزة اعرف

بس اللى اعرفة لو اتلغى الموضوع النمر اللى اتخذت فيه بتفضل لك

احسن حاجه تعملها عشان تعرف الموضوع مكرر ولا لا تاخد جمله من الموضوع وليس العنوان (لان العنوان ممكن يكون متغير)وتحتها في خانة البحث في الموقع في الشمال وتعمل بحث وتشوف الموضوع موجود ولا لا

لا يجب أن يكون هناك قاعدة لذلك ... لأنه ببساطة لما نعمل دعاية للموقع وييجي أعضاء كثير الموضوع هيبقى صعب في السيطرة عليه

لكن بشكل عام ياريت محدش أساسا ينقل ... ياريت اللي يشارك بحاجة تبقى من خبرته الشخصية أو على الأقل عمل إعادة تنظيم للنص المنقول و إضافة عليه من مصادر أحرى ... كأنه بحث يعني ... ساعتها مفيش حاجة هيبقى إسمها مكررة

طيب ياريس احنا لما بنلاقى موضوع مكرر بنحط الرابط بتاع الموضوع القديم فيه كنوع من التنويه انه مكرر او لربط المواضيع ببعضها وان الناس تشوف القديم برضه وياخد حقه ماشي كدا ولا ايه؟؟؟

مقدرش أحبذ أو أقول بلاش ... لو العضو حساس شوية ممكن نبعتهاله في رسالة خاصة
لكن يفضل ألا يكون فيه تكرار

وهقول تاني يا ريت الناس تكتب بنفسها أو تعيد صياغة الكلام وتزود عليه وتحط صور وهكذا

معلش ياريس المفروض مايكونش فيه حساسيات ده كله على الهوا ولو حد قرا في المواضيع القديمة هايلاقي المكرر فراي اننا نوضح بدون اى حساسيات او مشاكل لان في الاخر لازم يكون فيه روابط

أيو صح ... بس لحد ما الحساسيات نتخلص منها وخاصة مع الأعضاء الجدد الأفضل اننا نخلي بالنا في التعامل

علم وينفذ

+1 للسؤال .... +1 لكل التعليقات الهامة والايجابية طبعا في الهوا

طبعا عشان الريس يبقي علم وينفذ (بلد بتاعة شهادات صحيح)هههههه

معلش كل ريس وله توجهاته واحنا الموظفين ماعلينا الا التنفيذ وابداء الاراء وهو يوافق عليها او لا ولا إيــــــــــــــــه:(

أول حاجة هنعملها في المؤتمر إننا ننتخب مجلس رئاسي للموقع يدير دفة الموقع ... وأنا هرجع لثكناتي في البرمجة

شكرا للتوضيح علشان نقدر نسير في الاتجاه الصحيح ونعمل برنامج المؤتمر على مايرام

كله يجهز نفسه ويعمل البرنامج الانتخابي اللى على اساسه هاننتخبه:(

فطيرة بالجبنة لكل عضو ومعاها إزازة حاجة ساقعة وفي الاعياد والمناسبات قطعة جاتوة وعلبة عصير راني حلو البرنامج الانتخابي ده