طريقة عمل الجبنه البيضاء
المقادير :
1 كيلو لبن حليب.
تلت ملعقه منفحه سائله و ملعقه صغيره خل
ملح وفلفل حار حسب الرغبة
الطريقه:
فى اناء معقم يسخن اللبن حتى درجه 40 [ فاتر تقدرى تتحملى حرارتة.
نزلى المنفحة على اللبن وقلبى كويس جدا و غطيه... و حطيه فى مكان دافىء حوالى من ستة الى ثمانية ساعة تقريبا.
لما يجمد الجبن قطعيه وهو فى الاناء على شكل خطوط متقاطعه و سيبيه شويه هتلاحظى ظهور اثر لمياه.
افرشى قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحته حتى تتلقى السائل
هذا السائل اسمة شرش اوعى ترميه ممكن تعملى بيه حاجات كتير كيك بشاميل كشك أستخدميه لعمل محلول ملحى نخلل و نحفظ فيه الجبنه ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما او سلطة الطحينة.
بعد ساعتين تقريبا هتتصفى كل المياه من الجبنه
ناخد الجبنه و نحط عليها ملح و نسيبها فى التلاجه ليله من غير غطاء
تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج على الجبنه و تحفظ بالتلاجه انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل
التعليقات