سبيشيال فور Monem تتر مسلسل ارابيسك

6
0

كلمات: سيد حجاب
ألحان: عمار الشريعي
غناء: حسن فؤاد


و ينفِلِت من بين إيدينا الزمان
كإنه سَحبة قوس في أوتار كمان
و تنفرط الايام عود كهرمان
يتفرفط النور و الحنان و الأمان
و ينفلت من بين إيدينا الزمان
الشر شرق و غرب داخل في حوشنا
حوشوه لا ريح شاردة تقشقش عشوشنا
حوشوا شرارة تطيش تشقق عروشنا
و تغشنا المرايات تشوش وشوشنا
و تهيل تراب ع الهالة و الهيلمان
الغش طرطش رش ع الوش بوية
ما درتش مين بلياتشو أو مين رزين
شاب الزمان و شقيت .. مش شكل أبويا
شاهت وشوشنا تهنا بين شين و زين
ولسه ياما و ياما حنشوف كمان


ويرفرف العمر الجميل الحنون
ويفر و يفرفر فرفة قانون
وندور نلف ما بين حقيقة وظنون
وبين قسى هفهاف
وهفة جنون
دنياك سكك حافظ على مسلكك
وامسك فنفسك لا العلل تمسكك
وتقع فخيه تملكك تهلكك
اهلك يا تهلك
دنتا بالناس تكون
ويرفرف العمر الجميل الحنون
ان درت ضهرك للزمن يتركك
لكن سنابك مهرته تفركك
وإن درت وشك للحياة تسبكك
والخير يجيك بالكوم وهمك يهون
ويرفرف العمر الجميل الحنون

 

إضافة منذ 9 عام
tafatifi
5264
غير محدد
تعديل منذ 2 عام

التعليقات

محمد عبد المنعم منذ 9 عام
تشكرات كثيرات ... حلو قوي انهم مع بعض ... كل ما كنت بفتكر واحدة الثانية بتضيع من دماغي

بس الكلام طلع مش شديد قوي ولا حاجة بس المزيكا جميلة
tafatifi منذ 9 عام
لأ الكلام جميل برده
safaa منذ 9 عام
بجد جميلة +1
الباشمهندسة منذ 9 عام
+1 كنت بحب اسمع التتر بتاعها قوي
ahmed منذ 9 عام
يارتني مدير الموقع عشان الناس تبعتلي هدايا (بلد بتاعة شهدات صحيح)ههههههههه
ahmed منذ 9 عام
+1
tafatifi منذ 9 عام
شهادات
ahmed منذ 9 عام
معلش يبقالك الف
زغباوية منذ 9 عام
ايوة حتى المسلسلات كان ليها مذاق اخر
+1
zedony.com - A mmonem.com production. Privacy Policy