اتعرضت للنصب قبل كدا ...حصل ايه ... واتصرفت ازاي ؟

هوا انا كان هيتنصب عليا بس لحقت نفسى مرتين مره منهم كنت على وشك:

1-كان فيه شركه صينيه مقرها فيلا فى المعادى قال ايه بتتبع نظام التسويق الحر (يعنى بدون اعلانات او منافذ بيع الاشخاص هما اللى بيروجولها) كانت بتبيع جهاز طبى بى 500 جنيه بيعمل كل حاجه!!!! وبيظبت كل حاجه فى الجسم!!! طبعا انا ولا فارق معايا الجهاز قال ايه بقى ان لما اشتريه هبقى عضو فى الشركه وبعد كده استقطب اعضاء للشركه تشترى وليا نسبه كبيره والللى هجيبو وهوا هيجيب حد انا هقبض على الاتنين واكون شجره تحتي متفرعه وانا بعد كده اقبض من غير معمل اى حاجه ولو كونت شجره قويه باخد بونص عربيه تيوتا كورولا و120 الف جنيه وايه بقى عاملين ندوات للموضوع ده وحفلات وناس دارسه كويس وعارفه ازاى تقنع وتتكلم وبيدو كورسات!!!! طبعا انا كنت على وشك انى اشترى لولا انى والدى(الله يرحمه) منعنى من كده وبعد شهر كانت الشركه قفلت والنصابين دول اتحبسه

2-حوار يطول شرحه وانا معتقدتش ان حد كمل قرايه لحد هنا اصلا لانى رغيت كتير بس والله ده بالمختصر

طبعا اكيد مفيش حد ماتنصبش عليه لو حتى كدا على الماشي

وانا في الكلية واحدة قالتلي انا من اسكندية وفلوسي ضاعت وعايزة بس فلوس اركب القطار علشان اعرف اروح النت بصراحة شكلها طالبة جامعية فمشكتش فيها خالص اديتها حق التذكرة وبعدين لاقيتها بتعمل كدا مع اللى حوالينا كمان فاكتشفت انها نصابة

ومرة برضوا واحدة بس دى انا كنت عارفاها يعنى كانت في المدرسة معانا وعلى طول بسلم عليها جاتلى البيت وحكتلي قصة طويلة عريضة فى الاخر كانت عايزة فلوس وهاترجعهالى على طول طبعا انا قولت لماما ماما حست انها نصابة بس مارضيتش تزعلنى واديتها نصف المبلغ اللى كانت عايزاه اكتشفت بعد كدا انها راحت لصحابنا كتير وحكت نفس القصة او قصص تانية والحلو ى الموضوع بقى انها نسيت انها جاتلى قبل كدا وقالتى مرة وحاكتلي قصة تانية خالص بس على مين بقى كنت عرفتها خلاص

اكتر واحد بينصب عليه وانا عارف انه بينصب عليه هو الميكانيكي او الصنايعيه عموما بس مجبر اخاك لا بطل

كنت مره فى ميدان الجامع، و جيت و احده حكيت قصه طويله عريضه عن مرض زوجها و لا ابوها المهم و الدواء اللى فى الروشته دي 200 جنيه ،، أدينى أى حاجه ، بس على مين،،

قولت لها انا هاديكى المبلغ كله ، فرحت بس أتغيرت لما قولت لها بس مش هاديكى الفلوس أنا هاشتريى لك الدواء،

كانت هاتهرب بس أنا دخلتها الصيدليه ، و سالت الصيدلى ، و تأكد ما فى بالى ، طبعا الروشته مضروبه ، و كل الادويه مش متوافقه مع بعضها و اختارت اغلى الانواع ،،

علشان اللى يستنصح و ما يديهاش فلوس و يشتيرلها واحد ، تروح ترجعه، ناصحه

الخلاصه : الواحد يعمل الخير فى المكان اللى هو عارفه ، و لو يحب كمان يشارك فى علاج مريض ، و ما أكثرهم ، لا تعرفهم من تعففهم.

انا اتنصب عليا لما جيت اغير شقتي واشتري شقه اكبر شفنا الشقه الجديده وعجبتنا وكنا هنبيع القديمه ونزود فرق ونشتري الجديده ومجرد نشيل العفش من هنا نحطه هنا الحقيقه بعد مابعنا القديمه طلعت الجديده مالهاش ورق ومأخوذة بوضع اليد ودوخنا السبع دوخات عشان نلاقي شقه في نفس المكان وجاهزة وبسعر كويس عشان كنا ملزمين بوقت لتسليم شقتناالقديمه وطبعا المبلغ عدى طاقتنا واستلفنا وجبت شقه غيرها والحمدلله بس ده يعلّمكوا انكم ماتدوش الثقه لحد وتتأكدوا من كل الأوراق عشان ممكن تكون مضروبه

انا بقى مامتي اللي اضحك عليها وده ليه لاني ناصحة ومبيضحكش عليا
وده كان من زمان جالها مندوبين مبيعات وقالولها ادفعي مبلغ من الفلوس بس هو كان كتير شوية وقالولها هتخلى سحب علي غسالة اتوماتيك طبعا راحت افعة على طولوطبعا مش هياخدوا الفلوس ويسيبوها كدا تغني ظلموه ادوها ازايز شامبو عشان يصبروها شوية عالفلوس اللي اتخدت بس للامانة الشامبو كان جميل جدا مع انه كان مجهول المصدر وبقينا تمنى انهم يجيوا تاني عشان نشتري شامبو ومش مهم الغسالة خلاص


أماانا كنت مشتركة في شركة ايفون المفروض ان في الشركة دي ا انا ابيع اكتر واللي تاخد البونص اللي انا المفروض نازلة تحتها وهي المفروض انها تكلمني وتقولي العروض الجدية ولو انا الطلبية بتاعتي محصلتش السعر اللي المفروض اخد عليه الخصم هي تكملي وحاجات كتير بس هي ولا كانت بتسال فيا اصلا انا بقا لما عرفت كدا فمرة وانا في الشركة ووقفولي الدنيا لحد هى ماتظهر عشان انا كنت نسيت الكود بتاعها عشان يدخلها البونص عشان حرام ميروحش عليها انا بقى سمعت كدا واتجننت وقلبت الدنيا هناك وقولتهم خلاص الغوا اشتراكي وبهدلت الدنيا وفضلوا يتحايلوا عليا عشان يشوفوا حد تاني غيرها قولتلهم لاء انا هاسيب الشركة يعني هاسيب الشركة وقولتلهم هى اصلا مبتعمليش اي حاجة ولا بتقدملي اي مميزات وليتهم يخلوني كدا لوحدي من غير حد عليا ولا انا تحت حد ومن ساعتها بقيت اروح بقوا يعملولي حساب واخلص وامشي على طول هي تعتبرش نصباية بس بردو دي كانت بتستكردني وانا مبحبش كدا

نعم.كنت قبل العيد وكنت مخطوبه فنزلت مع خطيبي زوجي حاليالشرء ملابس العيد من شارع الجامعه العربيه بالمهندسين وركنا العربيه بجانب جراج قديم واشترينا الحاجه ورجعنا نركب العربيه وبدأ خطيبي يدور العربيه فدارت دقيقه ثم بطلت !!!!!!!!!!!ويحاول يدور في العربيه مش عاوزه تدور والوقت متأخر وعاوزه ارجع البيت .وفجأه ظهر واحد وقال عاوز مساعده ؟رد خطيبي العربيه مش عاوزه تدور.المهم قعد يعمل حركات انه بيكشف عليها وقاله البوبينه بايظه وعاوزه تتغير ..خطيبي مهندس ميكانيكا وفاهم ان السبب مش البوبينه المهم قاوح معاه ثم اخده علي قد عقله.ثم بعت شخص كان معاه بموتوسيكل يجيب واحده ثانيه وجاب واحده ثانيه بفاتوره (مضروبه) وقال ثمنها80جنيه المهم رما البوبينه البايظه وركب الجديدة خطيبي ناصح اخذ البوبينه من الارض.وبعد كده الراجل نام تحت العربية !!!!!!!!!وقال ضفيره الكهرباء معرفش فيها ايه(أي كلام)خطيبي اخده علي قد عقله المهم العربيه تمشي بقه عاوزة اروح البيت ومش عاوزه مشاكل مع اهلي ...........أتاريهم فكوا خرطوم البنزين وسده بحاجه ولما نام تحت العربيه ركبه مرة تانيه شوفتوا الذكاء.المهم طلبوا حق تعابهم وكانوا عاوزيين البوبينه القديمه من خطيبي علشان ينصبوا بيها علي حد تاني ولكن هو رفض ومشيوا بعد كده وانا رجعت البيت والحمد لله .خلوا بالكوا كويس من الناس دي