أوقات أحس كأني على مفرق طريق
احتار ويصبح قلبي في الأفكار غريق
و لما أشور الجيران
أشاور الخلان
رأي الصواب يظهر جريء له بريق
وأحس رأي حبايبي بينور عينيا
سموا الشعور ده حب ولا ديموقراطية
ماليش كتير في السياسة
بيني وبين أيامي حرب ما تنتهيش
وزي كل الناس باموت علشان أعيش
أتمنى أروح عندهم
جهدي على جهدهم
يصبح وجودنا قوة بعد ما كان مفيش
وأنا إيش أكون وحدي لولاش بلدي عليا
سموا الشعور ده حب ولا تعاونية
ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادئ
وباحب صاحب المبادئ