كرت أحمر لمن ترفعه ؟؟

الزباله اللى فى الشارع
الاسلوب اللى بيتكلم بيه الناس مع بعضها
الناس اللى راكبه المترو ومش بتلتزم بابا الصعود والنزول
الاستهانه بالحاله اللى البلد عليها
ان كل واحد يفكر فى نفسه وبس
المرتبات اللى لسه زى التييييييييييت
كفايه لحسن هعيط

1-للناموس الموجود فى قها
2-الغلاء فى الاسعار
3-البلطلجية والانفلات الامن
4-الانحطاط الاخلاقى فى المجتمع
5-من لا يصل الارحام
6-الزحمة وعربيات النقل الثقيلة على الطريق السريع

1- لكل المتاجرين بالبلد من احزاب
2-لكل فلول النظام
3-لكل من يحاول اثارة الفتنه بين المسلمين والمسيحيين
4-لكل واحد مش همه غير مصلحته الشخصيه
5-لكل من يتاجر باسم الدين لكسب انتصارات سياسيه
6- لكل شخص سلبي لا يشارك حتي برأيه
7-واخيرا لكل من يقرا الموضوع وميعملش +1

كرت أحمر لولادى لما بيزودوها معايا على آخر اليوم ولما بيطلعو كل المواهب الدفينة . وما أدراكو ما المواهب الدفينة

كرت أحمر للوسطة والكوسة اللى مفيش حاجة فى البلد ماشية من غيرهم

كرت احمر للتجار والجزارين والخضرية والفكهانية اللى بيتسلوا علينا وبيزودوا الأسعار

كرت أحمر لأعضاء مجلس ادارة جمعية الشبان المسلمين ومدير المدرسة والنظظار وعم حمادة البواب وام نسمةاللى قدام المدرسة

كرت أحمر لكل من لايراعي ضميره في عمله وبيته وأهله ومجتمعه

انا بقى بارفع الكارت لكم كلكم ... كلنا بنشتكى ... وما حدش رفع اى كارت للحكومة ولا المجلس العسكرى .. هل سمعتم عن سفينة اللى بيمشيها هم ركابها ؟؟؟ولا لازم قبطان وضباط يساعدوه؟؟؟ طيب .. امال اللى عندنا دول ايه ؟؟ هم دول اللى عاوزين الكارت الاحمر ..زموا الهلب فى المية واهى المركب واقفة تتهز مع الامواج .. وزبنا يستر على الجميع
..

كارت احمر كبير للي طول عمرهم بيعلمونا نمشي جنب الحيط

كارت احمر لكل من سهل فى هروب صاحب عبارة السلام

التي غرقت وغرق معها اكثر من ألف شخص

للسلبيه اللي موجوده في المجتمع