العنوان ده ماجاش كده، ده جه بعد عناء مع أبني لأنه جاله وقت زهق من الأكل خالص وأنا بصراحة كنت متضايقة جدا لحد مافكرت أغيرله شويه في الأكل وبسم الله ماشاءالله بدأياكل من جديد وأنا عندي ليكو كام أكله كده لو عندكو المشكله دي مع ولادكم جربوها وهاتدعولي
1-المكرونة مثلا لوبتقدميهاله حمرا( بالصلصة يعني) خليهاله بيضا وعلي وشها حطيله البهاريز المفيدة دي (المشروم المتشوح في زبدة مع قطع الفلفل الأخضر والطماطم والجزر المبشوروالزيتون
(
2- البسكويت الساده الرخيص ده هاقوللك طريقه( وممكن تغيري فيها) بس الأساس بتاعها أنك تسيحي زبده علي النار وتحطي معاها معلقتين سكر ومعلقتين مربي وتخلي الخليط يسيح عالنار وتغمسي فيه البسكويت واحده واحدة وتشيليه في طبق لحدمايبرددهبييديله طعم جديد وجميل وممكن بدل المربي تحطي جوز هند مع عسل وممكن تعملي عجينة السوداني المطحون مع السكر والزبدة دي كلها حاجات هاتغير الطعم الغلس بتاع البسكويت السادة
وممكن تعمليلهم بيتزا وتحطي كل اللي أنتي عايزاهم ياكلوه عليها زي اللحمة-والخضار لأن كل الأطفال بيحبو البيتزا وأنتي علي فكرةممكن تعمليها مسكرة يعني ياست الكل تحطي في العجينه بدل الزعتر قرفة وفانيليا وبدل الصلصة مركز عصير الفراوله وعلي الوش بقي الفاكهة المتاحة عندك بس كده أنا خلصت ياريت تجربوها مع ولادكم ولولقيتو نتيجة ياريت تزودوني شويه