لاحظت منذ فترة ان الصندوق لا يمتلئ الا بعد مرور وقت طويل ... ثم بعد ذلك لصبح الماء لا يدخل اليه على الاطلاق ... يادى الحوسة .. اسخف انواع الأعطال !!!
اعمل ايه دلوقت ؟ لسه هاألبس وانزل عشان ادور على سباك؟ هلاقى حد فاضى لشغلانة صغيرة زى دى؟ ولو لقيت هل هيعملها ببساطة وهدوء؟ ولا هيعمل لى مسلسل طويل وبعدين يدخلنى فى حارة سد!! ولو عمل ياترى هيطلب كام ؟؟ ..يادى الحيرة!!.
قلت لنفسى طب ماتشيل الغطاء كدا وتبص بصة بنفسك .. بصيت .. كل الأجزاء راكبة فى مكانها . مفيش اى حاجة مكسورة .. لقيت ايدى بتتمد الى داخل الصندوق فاذ بكل بالاملاح مترسبة بشدة على كل حتة ..قلت الحمد لله .. بسيطة افكر بقى فى طريقة لازالة الاملاح ... سألت زوجتى هل عندنا ملح ليمون ؟؟ قالت طبعا هو فيه بيت مافيهوش ملح لمون !! قلتلها الحقينى بيه .. واغلى لى شوىة ميه كتير ..
صبيت المزيج ده فى الصندوق وسبته حوالى ساعة الاربع.. بدأت ادعك كل الأجزاء بايدى حتة حتة وبالراحة .. لقيت ان الرداخ اللى بيدخل المية لسة مسدودبعد كل اللى عملته.. يعنى لسه فيه شوية املاح قافشة على عمود الرداخ .. ماشى .. انا مش هايأس .. جبت مفك خفيف وبدأت اخبط فوق الرداخ بالراحة .. وبعدين مسكت الرداخ بايدى وحركته كذا مرة لفوق ولتحت لقيت صوت الميه بدأ يتسمع .. خبطت شويه كمان .. الله .. الحمد لله ... كله بقى ميه ميه ..
اتعلموها بقى..