رساله إلى كل أعضاء موقع زيدون(أنا كده زعلت)

بصى يا رشا صعب قوى انك تقراى كل الوماضيع القديمة للاعضاء شويه شويه
عن نفسى صعب الم بكل مواضيع الاعضاء لكن بجد بحاول
وبعدين عندنا ما شاء الله الباشمهندسه مبيفتش عليها المواضيع المكررة وبتقول ان الموضوع دا العضو فلان كتبه باسم كذا
ع العموم متزعليش

تسلمين على الرد

انا مقدرش على زعلك ابدا ...وانا بحاول الم بكل شيء وكمان لما الموضوع بيعجبنى ومبالحقش اقرئة بحطة فى مفضلاتى لحد ماوصلوا الى58
موضوع ...بس اعزرينى لو نسيت حاجة
/

كويس ان سرتي جت بكل خير .... الف شكر يا مورا

عموما يا رشا مفيش مايمنع تتكرار المواضيع لان في اعضاء بيحبوا يعملوا اسماء جذابة لمشاركتهم تشد كل الاعضاء وفي اعضاء تانين بيكتبوا البداية كاسم للموضوع وكتير مش بيبقوا عارفين انه نفس المقال وبردو دا بيرجع لعامل نفسي لانه مش من المفروض انك تحبي كتابات كل الاعضاء انتي ممكن يبقي ليكي مجموعة مفضلة من الاعضاء بتحبي تقرئيلهم كل جديد وناس تانية بتمري عليهم مرور الكرام او العنواين ماشديتكيش تدخلي علي الموضوع علي الرغم من انه ممكن يبقي مهم

عشان كدا مش مشكلة ان موضوع يتكرر وانا او زغباوية بنبلغ صاحب المقال انه اتكرر مش عشان يمسحة او نحرجه مثلا ... لا بس عشان مايزعلش لو ماخدش تقيم عالي علي الرغم من جودته ودا راجع انه خلاص اتقيم قبل كدا وان اي حد بيلاقي نفس الموضوع بيخرج من نصة وما بيكملش ولا بيضيف +1

انما المشكلة الفعليه هي ان ممكن تلاقي موضوعين او تلاتة كمان في صفحة واحدة بنفس الاسم وبردو الناس ماتخدش بالها.

وطبعا ملاحظتك عن عدم تفعيل استخدام البحث دقيقة جدا وللاسف ماينفعش Monem يلغية لاني مش بقدر استغني عنه لاني ببقي متأكدة اني قرأت الموضوع قبل كدا وباقعد ادور لحد ملاقي الموضوع الاصلي وكمان مش معمولة للاعضاء فقط دي معمولة للزائرين كمان.


اخيرا... ماتزعليش ... تأتي الرياح بما لا تشتهي السُفنُ

واضح ان عتابك جاب نتيجة سلبية وماحدش داس +1

ولا يهمك وعلي رأي العضوة المتميزة صفاء الشجرة المثمرة يقذفونها بالحجارة

i do not want 1+
i just want answer for my words

مش قصدى المكرر بس و لكن كمان بحس ما فيش تفاعل كده ،، وأسئله من غير إجابه،،

عندى مواضيع كتيير نفتح فيها النقاش و مش مكرره ،، أنا بحثت فى الموقع ،، ولكن خايفه أحطها تروح طى النسيان ،

بجد كنت ناسية +1 شكرا لكى يباشمهندسة

لا ماتخفيش حطيها وهتلاقي تفاعل و واحدة واحده ممكن الموضوع المتميز Monem بيثبته فوق للمدة اللي احنا عايزنها عشان كل الناس تدخل عليه .... واحنا عملنا كدا في مسابقة رمضان وفضلت شهر بحالة موجوده في مكان مخصص للمشاركات المفتوحة.

بس اهم حاجة ماتحبطيش انا عايزة اقولك اني كنت بكتب موضوعات حلوة ومش منقولة وكانت بتاخد 1 بس من Monem ولكن الحمدلله ربنا رزقني بعدها بيجي 8 تسع شهور بناس بتقرأها وتعلق عليها كمان وبتشجعني وانتي نفسك واحدة من الناس دول وببقي سعيدة ان فيه حد قرا موضوع انا كتباه من 10 شهور عشان كدا انا بوصيكي بالصبر وعدم اليأس

وكما قال مصطفي كامل .... قشطة يابا قشطة



طبعا بهرج وكما قال مصطفي كامل .... لا يأس مع الحياة

طبعا ليكي حق تزعلى.... وياريت نفعل القراية الاول فعلا قبل مانضيف مشاركة مش علشان بس المكرر علشان كمان نستفيد ونتفاعل وكل واحد يقول رأيه... والموضوع ده عانى منه الكثير ومنهم العضو عبد المنعم كانه بيدن في مالطة محدش بيدخل ويقول رايه مع انها مواضيع حياتية في اللى بيحصل اليومين دول وانا كمان فيه مواضيع كنت فاكرة انها مهمة وببذل فيها كل عصارة تفكيري ومالاقيش حد خد باله منها بس بصراحة في مواضيع بعد فترة فعلا بالاقي فيه تفاعل

بس علشان ماتزعليش اوى ممكن نعذر الناس برضوا علشان ممكن بيدخلوا وهما مستعجلين

ممكن اول ماندخل الموقع ونقرا اخطاراتنا نمسك كل مرة صفحة نشوف مواضيعها ايه سواء من اول الصفحات او من اخر الصفحات

المهم اكتبي بس وان شاء الله تلاقي تفاعل حتى لو بعد فترة

+1