انا بقى خريجة تربية قسم رياضيات وكملت بدبلومة رياض اطفال ومش بحب الشغل للستات بهدلة على الفاضي وترجع بيتها كل حاجة عليها برضوا فمش هاينوبها غير بهدلة الشغل والمسئولية الزيادةاكيد فيه ستات مختلفين معايا فى هذا الرأى)
المهم
انا بحب اشتغل فى البيت فى حاجات بحبها زى الخياطة والاشغال اليدوية وبحاول اجدد فى البيت باستمرار وطبعا اللى واخد وقتى كله دلوقتى هو زيدوني خلاني ادور وابحث كتير على ايه اللى اقدمه علشان يفيد الناس
كل ده رغي كتير مالوش لازمة بس حبيت اشارككم معايا علشان نوصل لحاجة مهمة جدا وهى:
مش هاتحس بسعادة غير لما تحس انك بتعمل حاجة مفيدة لغيرك تشعر من خلالها بانجاز يجعل لك قيمة امام نفسك اولاً
اما بالنسبة لوظيفتي الاساسية وهى ام فاحب اقول لكل الامهات ان:
التربية صعبة وعلشان نسهلها على نفسنا:
خططى لنفسك انتى عايزة تربي ولادك على ايه وجزئيها مراحل على قد سن اولادك وعلى قدر استيعابهم وماتقوليش هما صغيرين ومش فاهمين وبسطي لهم المعلومة حتى لو اكبر من سنهم واستعيني بالكتب والقصص الملونة لتوضيح المفاهيم لهمواستخدمي كل وسيلة ممكنة .........
على فكرة انا كتير بالجا لكتب التربية علشان اقدر افهم قدرات ونفسية اولادى ...وطبعا قبل كل ده الاستعانة بالله فى تربية الاولاد وربنا المعين
ارجو ان لا اكون قد اطلت عليكم
وارجو ان اكون افدتكم
التعليقات