علق على الصوره ***رساله اللى بيقول شعب همجى***

إترص إترص ياورق الخس الطويل ورا والقصير قدام:-(

ده مش غسيل ده محل ملابس داخليه

همجي ايه ده منظم 100 100 بدليل الترتيب التصاعدي اللي عامله من القصير للطويل

قطونيل القطن بيتكلم مصرى

بشوف المنظر ده كتير وبقول
ياروقانهم وطولة بالهم

روحو شوفو الهمجيه اللى فى مترو الانفاق فى بابين للطلوع وبابين للنزول والناس مصره تخلى الطلوع نزول والنزول طلوع ويعلوا بعض عالفاضى ده غير الحوادث اللى ممكن تحصل للاطفال والكبار وجيت اتكلم كان الرد ما انتى تلاقيقى بتعملى كده وانا والله مش بعمل كده انا بطلع من باب الطلوع وانزل من باب النزول ومش بكسل ... ناهيك عن الزباله اللى بتترمى فى الشارع عادى الناس بتستخسر تاخد الورقه اللى فى اديها لاقرب مكان اوحتى للبيت وتبقى ترميها فالباسكيت وابقى نفسى اتكلم بس عارفه مش هخلص ربنا يفرجها

انا كده يازوزو وأغيظك وأقولك حتى المشابك برتبها ولازم الترتيب ده عشان الهواء يمر من قدام لورا وينشف كلهوكمان ينشر على الظهر
تعليق كمان(على غسيلي والله بيحسدوني)هههههههههههههه

هاقر عليكى بجد.... بتجيبوا وقت منين دانا بطلت اغسل علشان تعب النشر

لأ كله كوووووووووووووووم والدولاب كووووووووووووم تاني ترتيبه ده موال ولابد منه على طول

مش قادرة امسك نفسى من الضحك على التعليقات الجميلة دى +1 يارب دائما مبسوطين

كل دا في غسلة واحدة دي فاتحة حضانة ولا ايه ... دي اكيد عندها 5 توائم ((الحياة بقي لونها بمبي مع اوكسي))

لأ مش توائم راعي فرق الحجم(صغير متوسط كبير)

هو الظاهر ان الاسرة دي مابتلبسش غير ملابس داخلية بس
يعني من باب لتوفير

بس الكوفرتة دى شكلها حلو.... بس خلى بالكم لا تقع من على الحبل

والغسالة شالت كل ده مع الكوفرتة..وعلي فكرة في حاجة تانية منشورة انتو مش واخدين بالكو منها زي ماتقولو كده بشكير كبير

طب بالزمة يعني حد يقوللي هي كانت حاسبة عدد اللبس العجيب ده كله علي طول الحبل ولا هي كانت صدفة

أنا يادودو شوفت منظر زى كدة بالظبط ونفس كمية الهدوم الداخلية
اكيد ناس بتحب الانتكة فى النشير زى صاحبتك

حتي ياصاصا لو بتحب الأنتكة عمرها ماهاتتضبط كده ده زي ماتكون حاسبة عدد الهدوم ومساحة كل قطعةقبل ماتغسل


وعموما لو الأنتكة بتعمل كده يبقي يارب اتأنتكلكو من بكرة