النهارده كنت في وسط البلد بشترى قطع غيار للعربيه وطبعا لان العربيه عطلانه روحت مواصلات وطبعا الطريق زي الفل لحد المؤسسه كالعاده !!!!المهم قلت اركب المترو احسن نزلت النفق وطبعا مش هقولوقواعلي النظافه اللي في النفق وجماله وطلعت المترو لقيت زحمه شديده قال ايه البهوات بتوع المترو عملين اضراب والناس عماله تشتم وتسب وطبعا بتقول ادى اللي خدناه من الثوره ( وطبعا الثوره بريئه من اللي بيحصل )المهم روحت ركبت ميكروباص لحد رمسيس واتمشيت شويه لحد التوفيقيه وهنا النقطه المشرقه لقيت شباب زي الورد عملين مظاهره امام دار القضاء العالي بيطلبوا بكل مطالب الثوره بجد حسيت ان لسه في امل.
بس سألت نفسي سؤال انا عملت ايه علشان البلد دي وعلشان الثوره تكمل ؟ولما هقابل الشهداء في الاخره هقولهم ايه ؟ وطبعا هقول ايه لربنا لما يسألني انت عملت ايه وانت عارف ومتأكد ان اللي قائمين علي الحكم كلهم فسده وهما قادة الثوره المضادة ياريت كل واحد يسأل نفسه الاسئله دي ويشوف ازاي يقدر يساعد البلد بشكل ايجابي لان الكلام مش هيجيب نتيجه وشكرا