برنامج ميزانية منزلية بسيط ؟

رأيي انك تحاولي تدبري 3 أو 4 ساعات عشان تتعلمي برنامج محترم أفضل 100 مرة من انك تضيعي نفسك في استخدام برنامج غير موثوق في أصله وخاصة ان المجازفة هتبقى بحاجة حساسة جدا وهي الميزانية والحسابات والتعاملات المالية. لو البرنامج مش موثوق في أصله المجازفة هتبقى ما بين غباء برنامج يضيع بيانات هامة أو برنامج متلصص يقدر يعرف خصوصياتك

أفضل البرامج في المجال ده هو Microsoft Money . هو في منتهى السهولة لكن عيبه انه باللغة الانجليزية وانه مش مجاني ... لكن أي حد معاه دبلوم حتى يقدر يتعلم المصطلحات الانجليزي بتاعته في زمن أقل من يوم

في برنامج كويس برضه لكن مجاني اسمه GnuCash

وختاما هناك بعض المواقع اللي بتسمح للمستخدمين فيها تسجيل البيانات المالية ومتابعتها وعمل الميزانيات على الانترنت بكل خصوصية لكن مش فاكرها بالظبط ... ممكن أذكرها قريب ان شاء الله

اعتقد انك لازم تبدئي الاول باستخدام الورقة والقلم في تسجيل يومي لمصرفاتك والموارد بتاعتك والتزاماتك اية هي ولما تألفي فكرة التسجيل اليومي والمتابعة الدورية تبقي مستعدة للانتقال الي مرحلة اعقد شوية وهي البرامج الجميلة اللي ذكرت في الاجابة السابقة واللي هاتعتادي عليها بسرعة وفعلا تقدري تتابعي التغيرات في مزنيتك بسرعة.

وانا مع الباشمهندسة مفيش احلى من الورقة والقلم لتظبيط مصروف بيتك