تفضل التاكسي الابيض ولا الاسود؟

اركبي الاسود وحددي معاه الاجره قبل ما تركبي ولو عجبتك اركبي ولو معجبتكيش متركبيش وشوفي واحد تاني

عن نفسى أختار الأبيض، وعلى راى المثل(هين قرشك ،ولا تهين نفسك) بس خلاص،،،

على فكرة انا أرى التاكسى الابيض افضل لعدة اسباب
1- عدم وجود دوشة بسبب انه قافل الزجاج.
2- طبعا الجو مختلف بسبب التكيف.
3- كلنا عارفين انى فى ناس جشعة جدا وللاسف هما بالنسبالهم البنات والستات زباين لقطة وبيضحكو عليهم وبيغلو الاجرة لكن الابيض معروف كام بالظبط وخلصنا.
4- اعتقد ان نسبة كبيرة من سائقى التاكسى العادى الاسود بيكونوا كبار فى السن فوق ال ستين سنة وبيبقى خلقهم ضيق واخلاهم مش كويسة وخصوصا على الستات.
5- معظم التكاسى البيضة بيتكون جديدة واكيد مريحة فى القاعدة عن السودا.
6-الفرق بينهم مش كتير فى الفلوس وكمان انا عندى اعتقاد ان الفلوس لو مكنتش تخدمنى وتريحنى يبقى اية لزمتها ؟