وبدأ العد التنازلي لمرور اول سنة على الموقع

والله انا واحد من الناس مكنتش اتوقع التفاعل ده بس كما قال القذافى الى الامام الى الامام

الحمدلله السنه دي اتعمل فيها مجهود جبار من الكل بدايةً من مدير الموقع ومؤسسي الموقع وصولا الي احدث الاعضاء اشتراكا الكل متحمس ودا بفضل الله يرجع الي الاخلاص في العمل والنية الصادقة في محاولة نشر الوعي والثقافة والمعرفة بين الناس.

واحب اقول لجميع الاعضاء القدامي والجداد ان والحمدلله الموقع وصل ترتيبه علي العالم كله حتي الان الي 263ألف بعد ان بدأنا بترتيب 20مليون علي العالم واملنا ان شاء الله ان احنا نوصل لأكبر 100موقع علي العالم بأذن الله وانه كمان يبقي من اكبر عشر مواقع في مصر هو حتي الان رقم 1949 بعد ان كان رقم 16000 والكلام دا انا مش بقوله من عندي اللي يحب يتابع دا ويتأكد منه يقدر يعرف من موقع متخصص اسمة alexa ويقدر يحمل منه حاجة اسمها Alexa Traffic Rank ودا الرابط بتاعها
http://www.alexa.com/toolbar?utm_source=top-nav&utm_medium=www&utm_campaign=toolbar
ويقدر يشوف احنا بنتقدم وبنطلع قدام يوم عن يوم والحمد لله

وبذكركم كمان بــ خريطة مرتادي الموقع خلال الـ 30 يوم الماضية احنا نفسنا تبقي كلها لونها برتقالي ومرتادي الموقع يبقوا من كل العالم مش بس الدول العربية والجاليات المغتربة

والحقيقي الحقيقي انا بصفة خاصة استفدت جدا من الموقع عرفني بناس كتير محترمة ومثقفة وشجعني كتير علي القراءة والبحث وزرع فيا كمان روح المنافسة وقضي علي وقت كبير كان ضايع عندي مش بعرف استغلة غير في الفرجة علي التليفيزيون او الرغي في التليفون .


الف شكر لزيدوني .... والي الامام الي الامام ...ثورة ثورة

موقع زيدوني الحبيب:
على قد ماقدرت حاولت ماأبعدش عنك وأستمر معاك بكل عطاء
وحاولت أتنوع وأتجدد عشان أسيب في قلبك بصمه من روحي تبين معزتك عندي وكتبتلك من قلبي وخصصتلك من مجالي وفكري كل مايفيدك ويزيدك ويكبرك ويميزك وحاولت أتواصل وأعرف عنك كل حاجة وأعرفك عني كل حاجة وأبقى جزء لايتجزأ منك لو غاب يتحس
ولأنّي مش مثاليه سامحني لوقصرت أو شفت منّي ذلة
وكل سنه وانت جديد ومتميز
وكل سنه وانت في قلبي وانا شعله منورة عمرك