دكتور مصري يعلمنا عن الجير بالاسنان

4
2
من ضمن المواضيع الهامة جدا في طب الاسنان وهو صحة اللثة وهو يعتبر علم كامل يهتم بصحة اللثة واربطة الاسنان ويسمي periodontology وعشان نقدر نوصل للثة الصحية الي كلنا بنحلم بيها لازم نعرف اية الي ممكن يخلي اللثة بتعتنا مريضة عشان نمنع هذا الشيء ؟؟ الاجابة علي هذا السوءال في كلمة واحد وهوة دة موضوع النهاردة ((( الجير- calculus)))

ما هو الجير او مما يتركب ؟
الجير عبارة عن بقايا الطعام + المعادن التي توجد في الريق + بكتريا = الجير وهوة مادة جيرية مثل الحجر الجيري يكون لونها اصفر غامق يترسب علي الاسنان ويؤدي الي امراض عديدة.


اين يوجد الجير؟
يوجد بنسبة 80 % في المنطقة الامامية للفك السفلي من جة اللسان وايضا في الفك العلوي في منطقة الضروس الخلفية , وهذا لوجود الغدد اللعابية التي تفرز اللعاب في هذة الاماكن والذي يحتوي علي المكعادن التي تدخل في تكوين الجير وهذا هو السبب في تركيز الجير في هذة الاماكن من الفم

ما هي الاضرار الناتجة من وجود الجير علي الاسنان فترة طويلة؟
1. التهابات اللثة والذي يتطور الي جيوب بكترية في اللثة من الداخل .
2. تدمير اربطة الاسنان مما يوءدي الي حركة الاسنان وسقوطها فيما بعد.
3. نزيف دم فاسد يكون اثناء غسيل الاسنان واثناء اكل الاشياء الناشفة مثل الجزر التفاح.
4. رائحة الفم الكريهة والتي يكون مصدرها الاساسي الطبقة الجيرية البكتيرية.

ماالحل يا دكتور؟
احنا كدا عرفنا سبب المشكلة يبئة لو شلنا سبب المشكلة( الجير ) المشكلة حتتحل ان شاء الله
طب ازاي نشيل هذا الجير ..... في ناس كتير فاكرة ان الفرشاة والمعجون ممكن يشيلو الجير او التسوس ودة اعتقاد خاطيء مية في المية لان الفرشاة والمعجون بيمنعو تكوين الجير او التسوس لكن مش بيشيلوة وفي فرق كبيرررر جدا بين يمنع ويشيل

طب يا دكتور احنا عايزين نشيل الجير دة نعمل اية؟
مفيش غير حل واحد طبيب الاسنان والاجهزة المخصصة لذالك هناك جهاز يسمي الكافترون ultrasonic scaler يستخدم في ازالة الجير وهذا هو شكلة

طب يا دكتور بعد ما نشيل الجير اية الي حيحصل الي حيحصل الاتي :
اللثة حترجع الي وضعها الطبيعي وكل الالتهابات الي فيها حتروح باذن الله والرائحة الكريهة حتروح وكلو حيبئة تمام .... بس السوءال هناااا الجير دة حيتكون تاني يا دكتورررر ؟
اسف مضطر اقولك اة حيتكون تاني بس في اد اية هية دي النقطة ممكن يتكون في 6 اشهور او سنة
او سنتين .... طب دة علي حسب اية يا دكتور ؟ دة علي حسب اهتمامنا بنظافة الاسنان اليومي واتباع النظام الي حئول علية دة يعني لو اتبعت هذا النظام باستمرار اوعدك ان الجير صعب اوي يتكون الا بعد فترة كبيرة جدااا يعني مش حتظورني في العيادة بخصوص الجير ان شاء الله الا بعد فترة كبيرة لو اتبعت هذا النظام..

ملحوظة هذا النظام وقائي للناس الي معندهاش جير وخايفة يتكون عندها جير وايضا للناس الي كان عندها جير وشالت الجير ومش عايزا الجير يتكون تاني

اولا: استخدام الفرشاة والمعجون بعد الغداء وقبل النوم مباشرة

ثانيا: استخدام هذة المضمضة يوميا (مرة في اليوم) فهي تمنع حدوث الجير مرة اخري بشكل كبير وتعطي الفم رائحة جميلة جدا وتظيل كثير من البكتريا lyso-plaque chlorohexidine mouth wash

ثالثا: استخدام خيط الاسنان كل يومين او ثلاث ايام ...

بعد اتباع هذة الطريقة اوعدك ان الجير صعب يتكون تاني الا بعد فترة كبيرة جدااا
وحتبئة اسنانك جميلة زي دي
د.احمد سعيد
صور توضح شكل الجير واماكن تواجدة والاضرار التي يسببها في اللثة


{{uf:590}} {{uf:591}} {{uf:592}}

 

إضافة منذ 10 عام
غير محدد
تعديل منذ 7 عام

التعليقات

زغباوية منذ 10 عام
+1 وده اجابة عن السؤال :
جيــــــــــــــر الأسنان
زغباوية منذ 10 عام
ممكن يارشا تنسخى رابط المقال ده وتحطيه فيها كإجابة
safaa منذ 10 عام
مقالة مهمة جدا بس جاتلى متأخرة شوية +10000
أم العيال منذ 10 عام
+1
أم العيال منذ 10 عام
معلش يامامي ولا متأخرة ولا حاجة يالا خدي بالك من سنانك
الباشمهندسة منذ 10 عام
+1

احب اقولك حاولي ماتخديش الصور عندك علي الجهاز الا لو حاجة صعب الوصول اليها او هي اصلا بتاعتك .... الافضل انك تضعي رابط الصورة في المقال حتي تتمكني من انك تضعي الصورة في اي مكان في المقال وليس الاخر فقط ولو مش عارفة ده بيتم عن طريق انك تضغطي علي الصورة كليك يمين وتختاري COPY URL وتعملي لصق في اي مكان في المشاركة
Lady Rasha Reda منذ 10 عام
شكرا بجد يا جماعه على الردود و النصائح ،، و يارب يارب فى ميزان حسناتكم!
zedony.com - A mmonem.com production. Privacy Policy