خايفه يجي يوم متستحملنيش فيه لما اكون متدايقه وتقول كلمه تجرحني.... وتزهق مني ومتحاولش تخفف عني وخايفه تندم علي انك ارتبط بيا في يوم ...
عارف ان انا هبقي محتجاك اوي وقتها تطبطب عليا تقولي كلمتين حلوين تطمني بيهم اننا هنفضل سوا علي طول ... ساعتها كلامك هيفرق معايا جداااا عشان هبقي متأكده ان اي حاجه تحصل هتبقي معايا ومش هتسبني...
... وخايفه يجي يوم متحسش بيا ولا تحس اني زعلانه من حاجه من غير ما اتكلم :(
عارفه ان انا بيجي عليا ساعات مببقاش طايقه حد يقولي بم حتي و ومش ببقي طايقه نفسي يعني تقدر تقول حاله جنان كدا .. تستحملني و تيجي وتقعد معايا ساعتها وتخرجني من الجنان والكأبه اللي هبقي فيها دي بقي.... اتصرف انشالله تتشعلق ف النجفه بس اوعي تقع تتكسر ( النجفه طبعا مش انت هههههههه :P :P P (
خايفه تكون حبيت قبلي
مهو اكيد هيجي يوم ويحصل بينا مشكله اصل احنا مش ملايكه بس خايفه مع اول مشكله تفتكر البنت اللي كنت بتحبها وتفتكر ايامها ! :(
ساعتها ممكن اموت فيها لو حسيت ولو للحظه بحاجه زي دي عشان انت عارف انا هبقي بحبك اد اييييه ومقدرش استغني عنك....
وعارف اني محبش ازعلك ولا ازعل منك ف عاوززاك توعدني ان لو حصل اي مشكله بينا نتصالح علي طول ... واجي اشتكي منك ليك واقعد اعيطلك بقي ... وانت بردو تشتكي مني ليا وانا هزعلني عشان زعلتك :(
و عن نفسي ساعتها هقوم اعملك حاجه حلوه بتحبها وربنا يستر هههههههه وانت تجبلي ورده وشكاليطه وانا هتصالح علي طول انا بقولك السر اهو عشان ميبقاش ليك حجه :-P