المريض وماسك في أيده علبة دواء:يادكتور أنت وصفتلي الحبوب دي عشان تقويني
الدكتور:خير ماجبوش نتيجة ولاّ إيه؟
المريض:لسه مش عارف ،أصل مفيش فيا حيل أفتح العلبة
المريض :يادكتور عايز دواء ضد الديدان
الصيدلي:للأطفال ولاّللبالغين
المريض :وأناإيش عرفني عمرها قد إيه
المريض:يادكتور انا مشكلتي إن كل الناس بتتجاهلني وتهملني
الدكتور:دخل اللي بعده
الدكتور:من أول مره شفتك وشفت ضحكتك ،أتمنيتك لو تيجي تزوريني
البنت ضحكت بإغراء:ههههههههه يالئيم يابتاع البنات
الدكتور:لأ انا بتاع أسنان
دكتور كاتب على العياده كشف 50 جنيه واللى ما يخفش ياخد 500
فواحد حب يعمل صايع لما قرأ اليافطه قال انا هصيع على الدكتور واخد ال500 جنيه
طلع ودخل للدكتور ودفع الكشف 50 جنيه
الدكتور بيسأله بتشتكى من إيه؟؟
قاله ما بستطعمش أى شىء لما باكل ما بتذوقش
فرد الدكتور وقاله بسيطه ونده على الممرضه يا منى:هاتى برطمان 17
قاله خد لحسه اول ما داقها قاله ايه القرف ده ؟ده زيت خروع مر أوي
الدكتور قاله مبروك إنت خفيت
نزل الصايع مضايق جداً
وطلع له تانى يوم وقال والله لأخد ال500 جنيه
ودفع ال50 كشف ودخل للطبيب
قاله خير بتشتكى من إيه؟؟
قاله النسيان الحاجه اللى يعدى عليها 10 دقايق بنساها
قاله بسيطه يا منى: هاتى برطمان 17
رد الصايع وقاله زيت خروع تـــــــــــــــــــانــــــــــــــــــــــــــــ ــى
قاله الطبيب مبروك خفيت