زن الستات

6
1
طبعا رأى الرجالة كلهم ان الستات زنانة

ورأى الستات طبعا مش كدا خالص

طيب هل الست زنانة بطبعها؟؟

ولا إيه اللى وصلها لكدا؟؟؟

موضوع للنقاش

 

إضافة منذ 8 عام
غير محدد

التعليقات

عبد المنعم منذ 8 عام
انا لا ارى ذلك ..
زغباوية منذ 8 عام
طيب كويس الحمد لله
Noura منذ 8 عام
طيب قوليلي يا زغباوية انتي إيه علاقتك بالزن ؟
زغباوية منذ 8 عام
انا عن نفسي لو حاجة ليا بحب اللى ادامي يعرفها لوحده ان ماكنش فبقولها مرة وخلاص بس لو فيه حاجة عامة او اجتماعية وشايفة انها صح جدا لا بزن لغاية مااللى أدامي يعملها او يقنعنى بالعكس

الإجابات

7
انا في رأيي ان الزن دا صفة بشرية غير مقتصرة علي النساء فقط زي ما الجميع معتقد لأ عند الكل رجال ونساء كبير وصغير وتعالوا نشوف بالامثلة:

1- من اول الطفل الصغير اللي عايز يشتري حلويات او لعبة جديدة ويفضل يزن ويعيط ويلح لحد ماتيجي .... طبعا غالبا الام هي اللي بتنفذ عشان قلبها حنين وهي اللي دايما بتشتري

2- لما يكون عندك ولد شاب وعايز يطلع رحلة مع اصحابة ويفضل يزن ويلح ويتحنجل ويوسط امه عشان تقنع ابوة طبعا بيتحول الزنان الاصلي صاحب القضية وهو الابن الي الوسيط بتاعه وهي الام يعني الواد يبق ياقل من اصحابة ويعايروه وياعيني بتلزق فيها ودا بردو عشان حنية قلبها

3- الله علي بنت في الجامعة عايزة هدوم جديدة وطبعا تزن علي ابوها وتعيط وبالايحاء ينتقل زن الابنة الي ان يتحول زن الزوجة ماتديها فلوس ياراجل خل البنت تشوف حالها يمكن تستلقطلها جدع ابن حالا ودا طبعا راجل لحنينة قلب امها اللي عايزة تفرح بيها

4- طبعا الزوجات الصراحة طلباتها لا تنتهي عندنا عزومة عايزين حاجة ترفع الراس -عايزين نخرج نفسح العيال -عيد ميلاد محتاجين هدية محترمة -الصيف داخل عايزين نحجز مصيف -الشقة اتبهدلت عايزة توضيب ...الخ بس دا كله عشان مين ماهو بردو عشان العيال وابو العيال وعشان هي قلبها حنين وعايزة تسعدهم.

5- الكبيره بقي الرجاله علي فكرة طالباتهم مابتخلص جعان عايز اكل- خارج حضري لبس-عايز هدوء عشان انام لكن لان الزوجة حنينة و قلبها طيب بتنفذ طلبات زوجها بسرعة عشان ترضية وبالتالي مش بيبان ان الراجل زنان
ولو تخيلنا سيناريو ان الست اتخرت في تنفيذ الطلب زي الراجل كدا مابيعمل معاها ويخليها تكرر وتعيد وتزيد وتزن هيظهر زن الرجالة بحق وهتسمع احلي كلام كل ده الاكل ماخلصش انا هموت من الجوع -يلا مستعجل معادي قرب- سكتي الواد ده خليني انام
وبعدين تقلب بزعيق وبخناقة انا شقيان طول النهار وجاي عايز اتسمم -خلصيني خليني اغور في داهية -يعني انام في الشارع ... وكلام من ده لكن الحقيقية ان دا نادر لان اغلب الزوجات حنينين و قلبهم طيب.

شوفتوا الستات مظلومة قد ايه وجزاء حنيتها انه يتقال عنها زنانة :(
إضافة منذ 8 عام

التعليقات

عبد المنعم منذ 8 عام
ياريت كل الستات زيك !!
زغباوية منذ 8 عام
+1جميل اوى
أم العيال منذ 8 عام
هو ده الكلام
shady منذ 8 عام
كلام جميل وانا معاكى على فكرة وانا بعترف ان من طبيعتى زنان جدا ولو عايز حاجة لازم اخدها او اعملها والطبع دة لسة فيا مش شرط الستات بس , بس الستات ممكن يكونو مش بيختارو الوقت الصحيح علشان كدة بيتقال عليهم زنانين , لكن لو اختارت الوقت واتكلمو كمناقشة عادى الموضوع هايخلص من غير زن , والاهم من الزن ان يكونو الطرفين بيحترمو اراء بعض وبيقتنعو بيها
Noura منذ 8 عام
انا الحمدلله مش بحب الزن والحاجة تتقال مرة واحدة حصلت حصلت محصلتش خلاص
MaDa منذ 8 عام
+1
الباشمهندسة منذ 8 عام
كان فيه تعليقات هنا راحت فين ؟؟؟؟؟ 🙂
0
- لا تنفعل مع الست الزنانة أثناء حوارك معها لأن الإنفعال سيقلل من قدرتك على التركيز في إقناعها كما أنه سيقلل من قدرتها على التفكير فيما تقوله أنت وستفكر أكثر في إنفعالك عليها .

- لا تقل لا أبداً ولكن قل (لها سوف نفعل، حاضر) لربما مع الوقت تنسى هي الموضوع أو تجد أنت الطريقة المناسبة لإقناعها برأيك.

- استعمل معها أسلوب النقاش والبال الطويل بمعني ألا تتعصب نهائياً وتحلى بالهدوء قدر المستطاع وقم بعرض وجهه نظرك بهدوء ربما تلفت نظرها للموضوع من وجهه نظر لم تراها هى من قبل وتقتنع .

- لا تجعل كلمة لا هى الكلمة الرئيسية على لسانك لأن هذا يربي في ذهنها أنك تستهين بها ولا تعمل حساب لعقلها وفي حين رفضك لأحد طلباتها إشرح لها أسباب هذا الرفض ووجهه نظرك .

إضافة منذ 10 شهر

التعليقات

لا يوجد
0

إضافة منذ 10 شهر

التعليقات

لا يوجد
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy