مشغول مشغول مشغول

مشغول مشغول مشغول دايما مشغول على طول
ولا عارفة حتى أوصل ليه أو لحظة منّه أنول
طبيعة شغله تقيله محتاجة منّه كتير تركيز
ولا يفكر في عيلة ولا يشغل باله بأي عزيز
حبيبي مش عايزة أشغلك ولاعن واجبك أعطلك
انا عاوزاك بس تفهمني وتحس بأنّي بأقدرك
وإن كنت بأصر وبأتصل كذا مره بالتليفون
ده عشان أطمن قلبي عليك وأهدّيه من الجنون
قلبي وهأعمله إيه هيموت من حبّي ليه
وعقلي مابيلاقي راحة غير وصوتك فيه
ولوأقدر أحب أكون معاك في كل ثانية وتفصيله
وكل حركه وكل هفوه وكل كلمة وتعليقه
عايزه أكون منك أكتر والفواصل بينّا تصغر
ويوم عن يوم حبك ليّا وحبي ليك يزيد ويكبر

أمضاء:شاعرة الموقعلوليتا1 {{uf:544}}