لما ينسد في وشك مليون شارع وباب#لما تحتار وتتوه لكثير من الأسباب
لما بيبعد عنك مره واحدة حبيبك#لما تلاقي فجأه الفرح كده بيسيبك
وتحس الدنيا قد إيه رخيصة #مليانه مشاكل متشبكة وعويصة
تلاقي إيدين تتمد ليك تمسح دموعك وتهد ليك همك وغمه تهون عليك تستحملك وتنسي فيك
دي أيدين إخواتي وأجدع صحاب#ذراعي وسندي وسط الصعاب
كبرنا وإتربينا سوى#طفولة شباب حب وهوى
عدت علينا كتير أوقات#أيام فاتت مليانه حكايات
مابين عقل وشقاوة وأزمات#ومواقف جميلة وذكريات
بيحبوني واقفين ليا#مهما تطول الشدة عليا
ولايتهدّوا غير لما أرتاح#ويطلعلي بعد الظلمة صباح
وأقف على رجلي من تاني#وأخلص من كل أحزاني
بجد فعلا ياأغلى الناس #بصحبتكم بأرفع الراس
بحبكم ياأعز شباب#وعمري ماهأنسى لكم معروف
ومهما يطول علينا غياب#أبدا ماتفرقنا الظروف
إمضاء :
شاعرة الموقع:لوليتا1