اتنين متجوزين من عشرين سنة .. قرروا يروحوا يصيفوا ع البحر فى نفس الفندق اللى قضوا فيه شهر العسل زمان لكن الزوجة كانت مشغولة فاتفقت مع جوزها على إنه يسافر لوحده و هى ها تحصله بعد يومين.
وصل الزوج ع الفندق و دخل الغرفة لاقى كمبيوتر و متوصل بالانترنت فرح فقام يبعت ايميل لزوجته يطمنها فيه على أحواله , بعد ماكتب الرسالة و هو بيكتب عنوان البريد الالكترونى لزوجته غلط فى كتابة حرف فى العنوان , و طبيعي راح الايميل لشخص تانى تصادف إنه كان لأرملة لسة راجعة من مراسم دفن جوزها اللى مات فى نفس اليوم ..
الست الأرملة فتحت الكمبيوتر بتاعها تقرأ ايميلات التعازى راحت وقعت على الأرض مغمى عليها فى لحظة دخول ابنها اللى حاول يسعفها بكل الطرق و مانجحش انه يفوقها , بص الابن على كمبيوتر و قرأ الرسالة التالية :
زوجتى العزيزة .. انا وصلت بخير .. و يمكن تتفاجئى لأنك حتعرفى أخبارى عن طريق الانترنت لأنه دلوقتى بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم , أنا بقى لى ساعة واصل و تأكدت إنهم جهزوا المكان و كل حاجه و مش باقى غير وصولك هنا بعد يومين , إشتقت لك كتير و مشتاق أشوفك و باتمنى تكون رحلة سريعة زى رحلتى ملاحظة : مش ضرورى تجيبى هدوم كتيرة معاكى لأن هنا الحر شديد قوى قوى يعنى جهنم !!