دي بقا اعمالي الفنية المنزلية ( وده بقا زي ما قالتلنا وعلمتنا لوليتا )

والله برافو عليكى حلوة اوى اكيد بتحسي ببهجة كل ماتدخل الاودة صح؟؟
فكرتينى بشبابى لما كنت عند عند بابا مفيش زجاج فى البيت الا وعليه لمساتى

اولا ... مبروك عرفتي تنزلي صور من علي جهازك قابلتك اي مشاكل؟

ثانيا ... ايه الجراءة دي حلوة برافو عليك ... بس ممكن تعملي روابط بين القلوب اللي علي الحائط عشان تملي الفراغات عشان متبقاش طايرة كدا لوحدها زي ماهو في الصورة القلب رقم 5 خطوط كدا طلعة بتوصل من القلب الي قلب عشان تملي الحائط.

وكمان بتبقي فيه حاجة ظريفة في التشطيب بتتعمل اسمها كنار يعني بتعملي رسم داير داير الغرفة علي ار ارتفاع انتي عايزاه شبه الوزرة او السفل اللي بيبقي تحت خالص بيبيقي حلو ومشهور قوي في تصمميمات السراميك اكنك عاملة برواز في الحيطة بس بالعرض ماشي في الاربع حيطان وممكن في حيطة واحدة وتخليه قلوب حجمها اصغر من اللي في الحائط.

مش عارفو اذا كانت فكرتي واصلة ولا لأ ؟؟؟

دي صور لتوضيح الفكرة مش اكتر



دي صورة للكنار من قريب

ردي على زغباوية اني لما بدخل لاوضة بحس كأني في دريم بارك بالظبط ونفسي الف على باقي الاوض بس كل واحد بيقفل اوضته
بالنسبة بقا للباشمهندسة : فبجد شكرا لاني نزلت الصور بسهولة جدا زي ما قولتيلي وبالصدفة ان الصور طلعت نهايتها زي ماكنتي كاتبة لاني قولت هزلها وهي وظروفا يا نفعت يا منفعتش بس الحمدلله
والكنار ده انا عارفاه بس المشكلة اني عاملة حيطة كاملة فيها القلوب ، وحيطة فيها استيكر ، والحيطة اللي فيها مفتاح النور فيها قلب واحد بس ، والحيطة الرابعة عليها الستارة فللأسف مش هعرف اعملة .

هو كمان الموضة زة مانتى عاملة كدا فى الحيطة اللى فيها رسمة الولد والبنت بتكون فيه رسمة تختاريها فى نصف او جنب الحائط وخلاص
ومعلش هما المبدعين كدا فى الاول بيتهاجموا وبعد فترة هما اللى هايتحايلوا عليكى تعمللهم اوادهم

+1 برافو عليكي يانورا أخيرا أثمرت