العناية بالشعر وفرده؟

7
0
طبعا العناية بالشعر مهمة جدا بس في بنات وسيدات تحب انها تعتني بشعرها والوصول بيه لابهي صورة وطبعا احيانا يكون الشعر مجعد او خشن فتلجأ الي فرد الشعر باستخدام عدة طرق زي كريمات الفرد او استخدام السشوار او استخدام مكواة فرد الشعر او لو فيه طرق اخري ماعرفهاش :(


الفكرة هل فيه طريقة امنه لفرد الشعر دون اللجوء لكل هذة الطرق الكميائية والصناعية التي قد تسبب ضرر بالغ في الشعر واللي بعض منها بيبوظ بمجرد غسلة بالماء ؟


يعني مش معقولة سئلت من 6شهور ولم اتلقي الاجابة حتي الان!! :o

 

إضافة منذ 14 عام
غير محدد
تعديل منذ 14 عام

التعليقات

MaDa منذ 14 عام
سؤال حلو .. عايزين خبير يا جماعة 😞
زغباوية منذ 14 عام
+1 سؤال حلو واسمع فعلا ان فيه زيوت طبيعية بتعمل على فرد الشعر بس مش فى دماغى دلوقتى لو توصلت لحاجة هاقولكم
عبد المنعم منذ 14 عام
زيت اللوز الحلو ... زيت الخروع ... زيت الزيتون .. وبطلوا لفتراء بقى !!!
الباشمهندسة منذ 14 عام
عايزين الوصفات والطريقة ومدة العلاج ..... اجابة متكاملة لو سمحتوا

الإجابات

4
طرق طبيعية لفرد الشعر
أولاً لازم تعرفي إن فرد الشعر ماينفعش في حالات كتير زي:
1- لو عندك حساسية.
2- لو في فروة الرأس أي التهابات أو جروح.
3- الحمل في أول 3 شهور وآخر شهرين وياريت تاخدي احتياطك وتمنعيه أثناء الحمل خالص لأن المواد الكيميائية دي ممكن تتسرب من جلدك للجنين.
4- أثناء الدورة الشهرية وده نتيجة لتغير الهرمونات في الوقت ده ومابتخديش النتيجة اللي إنت عاوزاها.

وصفات لفرد الشعر :
الوصفة دي طبيعية مية في المية وعن طريقها تتفادي الآثار الضارة لفرد الشعر، كمان هتقدري تعمليها في أي وقت سواء كان عندك حساسية أو حتى حامل لأن كلها عبارة عن مواد طبيعية مفيدة للشعر والجسم كمان.
المكونات:
زيت القرنفل.
زيت زيتون.
الطريقة:
اخلطي زيت الزيتون والقرنفل مع بعض في زجاجة بكميات متساوية ورجي الزجاجة كويس جدا وحطيها في الشمس لمدة 15 يوم وكل يوم رجي المكونات وبعد الـ15 يوم ما يمروا استعملي الزيت على شعرك.

وصفة إنما إيه .. المكونات:
زبدة غير مملحة.
زيت زيتون أخضر غامق.
مايونيز بالليمون.
زبادي خالي الدسم.
عصير ليمونة.
الطريقة:
اخلطي المكونات كلها مع بعض وحطيها في برطمان واقفليه كويس وحطيها في التلاجة.
الاستعمال:
بص يا ستي لو شعرك متقصف قوي وخشن شويتين يبقى تستعملي الوصفة دي مرتين في الأسبوع لأنها كمان بتنعم الشعر وبتحافظ عليه من التقصف. أما لو شعرك عادي وإنتِ عاوزة تنعميه زيادة يبقى تستعملي الخلطة دي مرة في الأسبوع. وهتلاقي نتيجة هايلة.

احنا طبعا عارفين إن الوصفات دي لأنها طبيعية ممكن تاخد وقت أطول ومابتدومش زي الوصفات الكيميائية لكن صدقيني إنتِ الكسبانة في الآخر. واحنا برضه عاملين في حسابنا إنكم ممكن ماتقتنعوش بالكلام ده وتفضلوا برضه تستخدموا كريمات الفرد وعلشان كده هنقول لكم على طريقة سهلة ومضمونة لمعالجة آثار الفرد لأن شعرك بيحتاج لمرطبات بعد عملية الفرد.

وصفة البيض.. المكونات:
صفار بيضة واحدة.
نصف ملعقة زيت زيتون.
كوب إلا ربع من الماء الفاتر.

الطريقة:
اضربي صفار البيضة، يعني شيلي البياض منها لغاية ما يبقى سميك ولونه يفتح، وبعدين ضيفي نص معلقة زيت الزيتون بالقطارة تدريجيا مع التقليب المستمر، وبعد كده ضيفي المية تدريجيا، واستمري في الخفق وبعدين حطي الخليط ده في زجاجة، وبعد غسل شعرك بالشامبو المناسب لنوع شعرك دلكي شعرك بالملطف ده وسيبيه على شعرك شوية دقايق قبل ما تشطفي شعرك.

المصدر
http://www.brooonzyah.net
إضافة منذ 14 عام

التعليقات

شيماء مصطفي منذ 14 عام
أنا ماجربتش حاجه من دول قبل كده . .بس الي جربته وعجبني جداا وبيطري الشعر جدا جدا زيت الحشيش
الباشمهندسة منذ 14 عام
الحشيش !!:o ودا يبقي حرام ولا حلال 😃
الباشمهندسة منذ 14 عام
بس الوصفة التانيه دي تحسي انها طبق سلطة 😞 زبادي وزبدة ومايونيز
شيماء مصطفي منذ 14 عام
😃
الباشمهندسة منذ 14 عام
+1 انا متأكدة انها وصفات جيدة بس فيها تهدير لخامات كتير خلينا احسن في الزيت الحشيش او وصفة زيت القرنفل وزيت الزيتون
tafatifi منذ 14 عام
فعلا شكلها هتطلع حلوة اوى وصفة الزيتون والقرنفل
4
تجربتى تجربتى بعد لف و عناء كتييييييييير

هأقولكوا السر ، بس بصراحه مش إكتشافى ، نصيحه خبير فرنسى قابلته مره هنا فى القاهره ضمن فعاليات ديفيله ، المهم

السر هو

زيت الخس

بيتباع فى مصر ، انا اشتريته من اسكندريه و ممكن تلاقوه هنا فى فتح الله القاهره
إضافة منذ 14 عام

التعليقات

شيماء مصطفي منذ 14 عام
دا بيفرد الشعر ولا فايدته ايه ؟
الباشمهندسة منذ 14 عام
اول مرة اسمع عته !!:O
الباشمهندسة منذ 14 عام
+1 ... عايزين الخبرات اللي من النوع دا 😛
safaa منذ 13 عام
+1
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy