قلبي فرحان وسعيد#والليلة دي أجمل عيد
اللي إتمنيته جاني ولاقيته خد قلبي لحب جديد
نساني كل اللي راح #ملا أيامي أفراح
حسسني بحنانه عايشني في أمانه وخلى القلب يرتاح
قولولي بالذمة ياناس #إيه أجمل من الإحساس
حبيب عسول شهم ومسئول لحياتي هو الأساس
بيزيح أحزاني وغمي#ويشيل عن ظهري همي
يسندني بحدة في وقت الشدةأبويا وأخويا وعمي
بيقاسي وبيجرب#ويسافر يتغرب
علشان يجني وعشنا يبني والمسافة مابينا تقرب
ويعيشني فسعاده#ورغد وهنا بزياده
ماهو مش غريب على أغلى حبيب يكون راجل كالعاده
مش عايزه ملام لوجيت#وبأعلى صوت وناديت
ياخلق ياهوه من قلبي أهه ده هو اللي انا حبيت