إذا أردت أن تعرف كم أنت غني

حلوه اوى +1

واللي دموعه جوة قلبه يعرف إزاي ؟

يعصره هتنزل

هههههههههههههههههههههههههههههههههههههههههه .. حلوة يا لولي .. بس انا بسأل بجد

عندى فكرة نصابه بس ماتقولش لحد خد معاك قطارة مليانة ميه ونزل منها دموع على خدك ،الغاية تبرر الوسيلة والحب خدعة برضه هههههههههههههه

اللى دموعه جوه قلبة مالوش حل غير الأحساس الناس اللى بتحبة فعلا هتحس بيه لو متضايق بدون مايحتاج أنه ينزل دموعه،ولعلمك بيبقى محظوظ لأن الناس دى بتبقى أشد حبا وجدعنه لأن فيه تواصل روحى بينك وبينهم مش لازم يشفوا دموعك عشان يحسوا بيك ، حليتهالك أهه

ممكن يا دكتورة لوليتا نعمل الجلسة اللي جاية في العيادة مش في زيدوني
بجد مش عارف اقولك ايه بس كلامك كله صح الصح وفهمتي انا عايز اقول ايه .. وبالنسبة لموضوع القطارة ده فانا مش محتاجها عشان انا دمعتي قريبة جدا جدا

يابختك انا مش بعيط غير لو مقهوره قوى ومش بحب حد يشوف دموعى بس لو نزلت بتغرق مصر وضواحيها وبيبقى صعب تقف

أما موضوع العيادة فأنا ماعنديش مانع أظاهر من كتر القعده مع أخواتى الدكاتره عدونى

خلاص نفتح عيادة زيدوني للفضفضة ويبقى ركن خاص للي عايز يفضفض ويحكي ويزيح من على قلبه .. ايه رأيك وكمان أعتقد ان زغباوية هتشارك في الموضوع ده وغيرها كتير

طيب مازوزو فتحها من مدة وانا زبونه مستديمه فيها تعالى بس أما أجر رجلك أنت كمان وفضفض زى ماأنت عايز هناكhttp://www.zedony.com/index.php/article/view/id/2738

انا جاااااااااااااااااي

تنور يازمل:-(

هانقطع على بعض يالوليتا ولا ايه عموما لو فتحتى عيادة تانية هاكون اول الزباين ههههههههههههههه

لالالالالالالالالالالا انا لو بقيت دكتورة كانت مصر خربت من زمان بس انا مستمع جيد وناصح جيد وبعدين العين ماتعلاش على الحاجب، إيدك على حق الدعاية

خلاص ياستى وبالنسبة لحق الدعايـــة ....اخلع انا بقى:D

ههههههههههههههههه هي دي أول دروس الدكتره خدر الزبون وأخلع

ههههههههههههههه

هههههههههههههههههههههههههههه ممكن اشتغل تمرجي معاكو

بص بقى من الأول كده فيفتي فيفتي وبيزنس إز بيزنس زوزو تعالج وإحنا نقبض وننصص الفاتحة على الخاين وإبن الحرام ......آميييين ماحدش بيأكلها بالساهل:-P

قشطة عليكي يا زُمُل .. دا احنا هنظبطو الليلة :D:P

فيس ايه يالوليتا الكل يدخل هنا بدل ماطردكوا من العيادةهاهاها:D انا اتعقدت من الفيس بوك اصلا اليومين دول

ليه كده يا زوزو .. لو في حد مضايقك قوليلي وانا اقفله الأكونت بتاعه :D:P

صحيح ليه ياكبيرة ده انا بحاول أرحمكم من الأخطارات بس مش أكتر لكن لو يزعلك أطرد التمرجي من أجل المستقبل

لا هى الفكرة ان الحاجة اللى بتقراها ترجع تلف وتجيلك بعد كام يوم وترجع تقراها تانى المهم كمان اللى مضايقنى منه ان فى صفحات بتبقى اهدافها مش حلوة ابدا مع ان اسمها يوحى انها هادفة وخصوصا الدينية واحيانا بتكون قصص متألفة علشان اغراض معينة وكمان المعلومات اللى بنشوفها فيه مش مصدر ثقة على الاطلاق وكتير من الاعضاء هنا بينقلوا منه مفبتبقاش عارف مصدر المعلومة موثوق منه ولا لأ
وانا عن نفسي بطلت انقل منه إلا بعض حاجات واثقة منها اوى او صفحاتها محترمة والمعلومة فيها بجد حلوة

معاكي حق .. ربنا يستر

كده يا لوليتا .. مكنش العشم :):)

لا طبعا وانا اقدر استغنى عن حد فيكوا وبكون مبسوطة لما بتيجيلى اخطارات كتيرة بحس ان الموقع كل يوم بيزداد تفاعل وينشرح قلبى:(

ربنا يخليكي يا زوزو يارب .. وانتي يا لوليتا هتتعبي معايا على فكرة .. ومش هقولك على النتيجة بتاعت المسابقة هه بس :D:P

ماتقلقش يامادا مكانك محفوظ

الحمد لله .. ورايا زغباوية .. يعني وزارة الدفاع كلها

حبة جد: علشان كدا بوصي كل الاعضاء بالابداع والابتكار وان لزم النقل فمحدش ينقل منه فعلا إلا الموثوق منه او ننقل من المواقع المحترمة المتخصصة الموثوق منها

تمام يا زغباوية .. ياريت تنزل في رجاء او تنويه عشان مننقلش وخلاص ونتأكد من صدق اللي بنتكتبه لأننا هنتحاسب

نوهت عن كدا فى الموضوع ده: تعليمات وتنبيهات لاعضاء الموقع

وكمان فى الاخر فى الموضوع ده:اهداف الموقع و كيف يعمل الموقع
كويس انى شوفتهم علشان محتاجين تعديلات