بيتي فور( الشيف حسن )رائع

7
2
مقادير:
نص كيلو زبدة طرية يعنى كوبايتين
كوباية الا ربع سكر بودرة
4 بياض بيض
3 كوب وربع دقيق ابيض منخول
نصف معلقة فانيليا

الطريقة:
اضربى الزبدة كويس جددا وبعدين ضيفى السكر بالتدريج لحد ما يمتزجو كويس اوى مع بعض
ويبقة الزبدة لونها ابيض خالص
وبعدين تنزلى بياض البيض بهدووووووء شديد جدا زى السرسوب اكنك بتعملى مايونيز مع استمرارك فى الخفق بالمضرب
حطى الفانيليا واستمرى واصبرى شوية فى الخفق لحد ما يكون القوام كريمى كدة
ضيفى الدقيق مرة واحدة وقلبى بمعلقة خشب
لحد ما تلم العجينةوتبقة ناعمة عبيها فى قرطاس الحلوانى وشكليها وحدات فى صينية فرن محطوط عليها ورقة زبدة

ملحوظة:
دة بالفانيليا ----- ولو عايزاها شيكولاتة تعملى اية؟؟
هتشيللى ربع كوب دقيق وتحطى مكانه ربع كوب بودرة شيكولاتة
دخلية الفرن وتابعية وشيلية بالراحة على مكان جيد التهوية

 

إضافة منذ 11 عام
safaa
50508
منقول
تعديل منذ 1 شهر

التعليقات

زغباوية منذ 11 عام
الله الله الله
zeze منذ 10 عام
انا عملت البيتى فور بالطريقة دى وطلع تحفة تسلم ايدك يا ماما ولسة هقوم اعمل الغريبة حالا وهقولكم على النتيجة
زغباوية منذ 10 عام
شاطرة يازيزي البيتيفور بالذات صعب جدا بس انا كدا عايزة واحدة ماليش دعوة
zeze منذ 10 عام
ده انا اعملك مخصوص واجبهولك لحد عندك وانا عندى كام زغباوية 😞
زغباوية منذ 10 عام
ربنا يخليكي ليا يازيزى كل سنة وانتى طيبة ويارب تحققى كل ماتتمنيه وزيادة
zeze منذ 9 عام
ويحفظك يا حبيبتى يارب وانتى بخير وسعادة يااااااااااااااااارب اللهم امين ويكرمك ويبارك في اولادك وزوجك يارب
زغباوية منذ 1 شهر
كل مابحتاج حاجة برجع لزيدونى
zedony.com - A mmonem.com production. Privacy Policy