لا تقولى نابلسية ولاعثمانلية.....تعالى ودوق الكنـــــــــــافة الزغباويــــــــــــــــــــة

7
0
الطريقــــــــة:
1/4ك كنافة وعليها شوية زبدة سايحة وزيت
ودهنت قوالب الكب كيك بمادة دهنية
وحطيت فيهاالكنافة طبقة رقيقة وضغط عليها جامد
ودخلتها الفرن متوسط 10 دقايق
وبعد ماطلعت صبيت عليها الشربات البارد


الجديـــــــــــد:(الحشو):
ملعقة زبادى وبلحة (او اى نوع من الفاكهة مانجو - فراولة-.........)
ممكن يتحط على الوش او بين طبقتين من الكنافة السابقة التجهيز

ملحوظـــــــــة:
((باقى ال1/4ك عملتهم صينية على شكل قلب محشية زبادى وبلح))
{{uf:340}} {{uf:341}} {{uf:342}} {{uf:343}} {{uf:344}}

 

إضافة منذ 10 عام
الكاتب الأصلي
تعديل منذ 7 عام

التعليقات

محمد عبد المنعم منذ 10 عام
شكلها تحفة قوي
MaDa منذ 10 عام
تسلم إيدك .. تحفة بجد .. بس انتي هتشيلي ذنب كل اللي هيشوفها قبل المغرب 😃
محمد عبد المنعم منذ 10 عام
الصور حجمها ضخم جدا .... حراااام
زغباوية منذ 10 عام
طيب قوللى اصغرهم ازااااااى
محمد عبد المنعم منذ 10 عام
تعبتيني ... الحياة تجارب ... حاولي تجربي أي برامج متاحة عندك
Noura منذ 10 عام
حراااااااااام ليه بتعملي فينا كده 😞 شكلها حلو موت
زغباوية منذ 10 عام
حاضر ياكبيير
ياجماعة كتشكرة جدا جدا
زغباوية منذ 10 عام
محمد انا كدا حطيت الصور اللى حجمها صغير ومش عارفة اشيل الكبار اعمل ايه؟؟ او شيلهم انت
safaa منذ 10 عام
عندك حق يانورا شكلها رااائع ...بس الحمد لله انا عملتها عندى وكمان قدرت اظبطها المرة دى+100
Noura منذ 10 عام
برافو على حضرتك وبالهنا والشفا
yara منذ 10 عام
انا عملتها وطلعت تحفففففففففففففففففففففففففففففففففففففففففففففففففففففففففففففففففففففففففففففففففففففففة
زغباوية منذ 10 عام
شاطرة برافو عليكى بس دوقينا علشان نحكم بنفسنا
yara منذ 10 عام
هههههههههه تامروا والل جامدة جدا والريحة اية بقااا بجوعكوا انا عارفة
زغباوية منذ 10 عام
بالهنا والشفا
yara منذ 10 عام
تسلمى يا حببتى
الباشمهندسة منذ 10 عام
طب حطي القلب معدول .... بس جميلة تسلم ايديك 😞
زغباوية منذ 10 عام
ياستى اقلبى انتى الشاشة اسهل:D
yara منذ 10 عام
كدة الشربت يقع من الشاشة يا زغباوية وهنلزق الدنيا بقاااا
زغباوية منذ 10 عام
ههههه ماشى ياستى اقلبى انتى وشك وخلاص
MaDa منذ 10 عام
ههههههههههههههههههههههههههه
yara منذ 10 عام
ههههههههههههههههههههههههههههههههههههههه
مها شاهين منذ 10 عام
ماشاءالله عليكي المنظر جميل اكيد الطعم جميل لما اجي لازم اكلها
safaa منذ 10 عام
هو الشكل حلو اه ....لكن الله اعلم باللى جوا
زغباوية منذ 10 عام
كدا ياصفصف ماشي ماشي
يامها: تعالى وانا ادوقهالك واحكمي بنفسك
safaa منذ 10 عام
هو دا الصح واكون معاها ونحكم
زغباوية منذ 10 عام
ياريت وتنوروني كلكم
شيماء مصطفي منذ 9 عام
شكلها مغري جدا
زغباوية منذ 9 عام
طب يالا جربيها وقوليلى
شيماء مصطفي منذ 9 عام
مع اني بحبها جدا بالكريمة بس هجربها بالزبادي واشوف 😞
HoSSaM منذ 9 عام
الله ع الأفكار يا زغباويه
ونعم
الباشمهندسة منذ 9 عام
انا لستُ مقتنعة بموضوع حشو الزبادي ويدخل الفرن دا نهائي لان الزبادي لما بيتعرض لدرجة حرارة عالية بيحصله حاجة اشبه بالكلكعة او بيتفل ان صح التعبير والله اعلم لازم ادوق بنفسي 😃
HoSSaM منذ 9 عام
الزغباويه قالت يا بشمهندسه إن الزبادى بيوضع بين طبقتين كنافة سابقة التجهيز يعنى أكيد مش هيدخل الفرن بس برضو دا ميمنعشى إن الواحد غلط يحكم من غير ما يدوق:D
زغباوية منذ 9 عام
ياباشمهندسة الصينية الكبيرة حاطتها فى الفرن والحمد لله محصلش معايا كدا وكان حلو وومكن فعلا لتفادي ذلك (وان لم يحدث) نحطها بعد ماتستوي بين طبقتين الكنافة
وانا مستعدة ادوقكم بس من باب الاحتياط هاتوا معاكم كنافة جاهزة:D
عموما انا لسة ماعملتهاش السنة دى هاجربها تاني وهاسيبلكم حتة بس جهزوا الاسعاف:D
شيماء مصطفي منذ 9 عام
😃 ربنا يستر
الباشمهندسة منذ 7 عام
الصور راحت فين ؟؟
زغباوية منذ 7 عام
للاسف كل المواضيع اللى فيها صور من على سطح جهاز الكمبيوتر بقت بالشكل ده وكمان مابقتش اعرف احط صور من على جهازى وده من بعد ماغيرنا خادم زيدونى......بس استني الصور جت اهيه هاروح اشوف باقى المواضيع بس مش هاقدر ارد النهاردة
الباشمهندسة منذ 7 عام
كلو اتصلح ياسيتي بس ادعي للريس سهران طول الليل يحل في المشكلة .... والحمد لله
زغباوية منذ 7 عام
ربنا يصلح له حاله ويسعده ويبارك فيه واشوفه فى احسن حال هو وكل اسرته
zedony.com - A mmonem.com production. Privacy Policy