استر بعد ثلاثة ايام وست ساعات

لا طبعا يا حاتم، دينك مش دين خزعبلات وترهات، دينك واضح وكامل والرسول عليه الصلاة والسلام قال:"ما تركت من خير إلا وأمرتكم به ولا من شر إلا ونهيتكم عنه"
وخلي بالك من حاجة: كل الإيميلات اللي بتقول لك ابعت لأكبر عدد من الناس إمسحها وانت مغمض لأنها في الغالب أسلوب خبيث من جهات ما لبناء شجرة معارفك وبالتالي استنباط البروفيل الخاص بيك( وبكل الناس التانية طبعا)

بالمناسبة فيه كتير من الاحاديث ده بتيقى موضوعه مالهاش اصل فى الدين
فلازم قبل نشر احاديث على المسلمين معرفه درجة صحة الحديث
مش معقول هتاخد اجر وانت بتنقل كذب افتراه ناس وقالوا انه من كلام النبى
وبعدين مفيش حاجة بتقول انك لو ما نشرتش الحديث هيحصلك ويحصلك
ده طبعا تخريف واضح
لازم نتعامل مع دينا بشيئ من العلم ونسيب بقه الخرافات وده مش هييجى الا لما نخصص وقت نتعلم فيه دينا زى ما بنخصص وقت لتعلم اللغات وباقى العلوم

أنا عن نفسى لما بيوصلنى رسالة زى دى على الموبايل أو الميل بامسحها ومن غير تفكير
ولا بقول بقى ممكن حاجة وحشة تحصلى ولا حاجة حلوة
انا أخدت المعلومة اللى فيها وخلاص
حبيت ابعتها هابعتها ولو ماحبيتش ابعتها مش هاكون خايفة ان حاجة تحصلى

"قل لن يصيبنا إلا ماكتب الله لنا هو مولانا وعلى الله فليتوكل المؤمنين"
الآية دي لازم تكون اساس لحياتنا ومرجع لنا في كل امورنا
والمفروض ان احنا نشغل دماغنا لو حاجة متأكدين منها ماشي نبعتها والثواب والحسنات على الله يضاعفهاان شاء و كما يشاء بس تكون نيتنا ان الناس تتعظ وجايز تاخد بيها
اما اذا كنا مش متأكدين فماينفعش نبعت حاجة وقد تكون مش صحيحة والله اعلم بنية صاحبها