ملابس المحجبات .... بين سؤال ومقال

بصي يا بشمهندسة الموضوع ده ملوش حل بجد .. انا تعبت وزهقت واتخنقت من كتر التفكير فيه ليا ولأختي ولقرايبي .. بجد حاجة تقرف ومناظر مستفذة وموضات مستحدثة والواحد بيشوف حاجات تحرق الدم .. رأيي تريحي نفسك وتفصلي اللبس أفضل من الجاهز .. ممكن تشتري الحاجات اللي مش بتتفصل زي الطرح وممكن اللي تلاقيه عدل وتشتريه الجيب .. في جيب بتبقى واسعة وكويسة جاهزة لكن اللبس للجزء العلوي من الجسم فصليه أحسن لأنك نادر لما تلاقي اللبس المحترم اللي يناسبك :):)

بصي في محلات استايل جدا وحلوة انا لسه كنت فيها النهارده وهى اصلا بتاعت محجبات اسمها تكبير هتلاقيها في المولات وفيها شوية حاجات عجبتني جدا روحي انتي كمان وان شاء الله تعجبك

الجواب انه ربنا يرحمنا برحمته علشان فعلا عندك حق يا باشمهندسة معظم الحال بقى زفت حتى العبايات دلوقتى بقيت غريبة جدا ومجسمة جدا بس اعتقد يعنى ان بيرو عندها حق فى حاجات فى تمشى وانتى عندك حق علشان فى حاجات ماتمشيش , الواحد مش عارف يقول اية , ربنا معاكو

بصى ياباشمهندسة اللبس أزواق المهم أنه مايخالفش يعنى مش محزق مش شفاف مش قصير
اللبس اللى فى الفيديو جمييل جدا وفضفاض لعود القصب دى وعلى الموضة وفى أماكن بتبيعه
بس أنا لاحظت أن اللبس الجاهز بقى كله (one size)يعنى مقاس واحد وبالتالى فالبنات والستات المليانه والتخينه بتتظلم ومش بتلاقى مقاسها ياأما بتلبسة ويبقى محزق شويتين
وكمان مش متوفر قوى وأسعاره غالية حاليا المتوفر المحزق والملزق وهو اللى سعره فى متناول الأيد فكل البنات بتلبسه وتلبس عليه طرحة وبتبقى موضة وكله بيعمل كده وفى بنات عشان الموضة بتتنازل على شرط من شروط الحجاب زى البنطلون الماسك بتاع اليومين دول وياريت بيلبسوا عليه طويل لأ بيلبسة قصير
لأ وفى بنات وستات بيضيقوا العبايات عشان تبقى مستفزة وتلفت النظر
الأهم بقى البنت عايزةأيه عايزة حجاب ولا هى مش محجبة ولابسه كده أرحم من قلعه الشعر برضه مصيبة لوحده والحالتين زى بعض بل بالعكس بتبقى قدوة لغيرها فيعمل زيهاوتبقى موضه
صدقينى لو البنت عاوزة حجاب هتعرف تختار لبسها صح بس هتتعب فى أختياره ولو تخينه مافيش مفر من التفصيل بس لازم تجرب بدل المكان عشرة لحد ماتلاقى حد شاطر ساعتها تبقى زبونة عندة ولازم تتعبى عشان
تكسبى فى الأخر
وأنا شايفة اللبس فى الفيديو ظريف جدا وواسع ماعدا اللى بلوزته قصيرة ولو توفر بجميع المقاسات لكل البنات والستات يبقى حاجة جميلة لأنة ماأستفزنيش بالعكس زوقه حلو اللى بيستفز غير كدة خالص ولا أيه يارجالة؟
بس فعلا السلام فيه حاجات سعرها معقوول ومقاسات مختلفة وأنتى وزوقك والبساطةأهم من الموضة وألبس اللى يليق عليا