افيدونى بالله عليكم

6
0
كم هى المده المثالية لتسخين موتور السيارة قبل السير بها للحفاظ على الموتور وتجنب إهدار الوقود ؟
ملحوظة : اتحدث عن السيارات الحديثة

 

إضافة منذ 13 عام
غير محدد

التعليقات

safaa منذ 13 عام
سؤال مهم بس للاسف ماليش فية... اديلك بس +1
الاستاذة منذ 13 عام
+1 حلو جدا السؤال ده
shady منذ 13 عام
سؤال جيد

الإجابات

5
معظم السيارات الحديثة لا تبالي بموضوع التسخين قبل الحركة.

في كتالوج عربيتي كانو كاتبين انك تمشي على مهلك (من غير سحب جامد يعني) في الأول شوية لحد ما عداد الحرارة يجي على أوله وبعدين تفتح زي ما انت عايز
إضافة منذ 13 عام

التعليقات

safaa منذ 13 عام
هو دة الكلام المظبوط ...والله اعلم
loleta1 منذ 13 عام
ولا يهمك ياريس انا جبتله التفاصيل
wael pauomi osman منذ 13 عام
+1
الاستاذة منذ 13 عام
+1
6
في الصباح الباكر يكون محرك السيارة بارد وبالتالي لابد من التسخين لعدة أسباب وفوائد مهمة

أولا : تعريف تسخين المحرك:هو رفع سرعة لفات الموتور RPM عن المستوى الطبيعي لحالة الخمول في المحرك لمدة معينة سواءاً أثناء التوقف أو حتى مع تحرك السيارة
ويظل التسخين لوقت محدد حتى يصل المحرك لنقطة حرارة منتظمة ومناسبة في داخلة

ثانيا: أسباب وفوائد عملية تسخين المحرك:
1 - عند بدء تشغيل المحرك على البارد (في الصباح) يكون الزيت في قاع حوض الزيت (الكارتير) بارد ثقيل القوام وبالتالي يحدث ما يسمى الإحتكاك الجاف وهو ما يسارع من تآكل المحرك
ولتجنب ذلك يتم رفع سرعة المحرك وبالتالي تسخين الزيت حتى يصل لدرجة السيولة التي يبدأ الزيت عندها بالتزييت بفعالية
ملاحظة: بالنسبة للزيوت التخليقية واسعة المدى الحراري (غالية الثمن ويتم تغييرها على مدى طويل 10000 كيلومتر) فإنها في الصباح تكون أسهل وأسرع في الوصول لدرجة الحرارة المثلى للتزييت (تحتاج لوقت تسخين أقل)
ولكنها لا ينصح بإستعمالها مع المحركات القديمة نسبياً في الموديلات القديمة أوذات الكفاءة المنخفضة (موتور تعبان) حتى لو كان الموديل حديث

2 - درجة الحرارة داخل غرفة الإحتراق تكون منخفضة وعند التشغيل في الصباح الباكر تتراوح درجات الحرارة داخلها بين 1200 و 70 درجة مئوية بتوزيع غير منتظم
ونتيجة لأن أغلب أنواع الوقود البترولي (بنزين & ديزل & غاز) تحتوي على نسب متفاوته من عنصر الكبريت
وحيث أن نواتج الإحتراق تحتوي على بخار الماء الذي يتحد مع الكبريت مكوناً حمض الكبريتيك (H2SO4) (ماء النار) وحيث أن درجة حرارة تكثفه هي 110 درجة مئوية وبالتالي يحدث له تكثف لحظي عند إدارة المحرك على البارد (في الصباح الباكر مثلا) لو لم نقم بعملية التسخين
من المعروف عن حمض الكبريتيك أنه آكل للحديد بشدة
ولمنع حدوث ذلك يتم التسخين للمحرك لرفع درجة حرارته عن هذه المنطقة الحرجة بسرعة وكذلك زيادة سرعة لفات المحرك لعدم إعطاء فرصة لماء الناء للتكثف ومن ثم للحصول على عمر أطول وكفاءة أعلى للمحرك

ومن المشهور أن الغاز الطبيعي المنتشر إستخدامه في شرق آسيا وأوروبا ومصر أكثر أنواع الوقود إحتواءاً لعنصر الكبريت يليه الأنواع الأخرى

وبالطبع مدة التسخين تختلف من محرك لآخر حسب تكنولوجيا التسخين المستخدمة

في المحركات القديمة يتم تسخينها يدوياً بزيادة الضغط على دواسة البنزين عدة دقائق أو بسحب قابس الخانق (الشفاط) لوقت أقل في التسخين

في المحركات الحديثة بالكامل يتم التسخين فيها آلياً عن طريق حساسات للحرارة يتم رفع سرعة لفات الموتور حتى الوصول لدرجة الحرارة المثلى (وتكنولوجيا التسخين الآلي تختلف من ماركة لأخرى)

سؤال كثيراً ما يسأل :
بعض السيارات الحديثة يوصى في دليل المالك بالتحرك فورا عند إدارة المحرك حتى في أوقات الصباح الباكر؟

الإجابة: أن تكنولوجيا التسخين في هذه المحركات تتم آلياً أثناء السير والتوقف على السواء
ولو كانت سيارتك حديثة الإنتاج وبها سخان آلي فعليك بالتحرك بعد التشغيل بمدة تقل عن الدقيقة
ولكن عليك بالقيادة الهادئة لمسافة بسيطة ثم بعد ذلك تحول للقيادة الطبيعية

وكذلك بعض السيارات القديمة بها أداة الخانق ((الشفاط) قابس يتم سحبه في طبلون السيارات القديمة لسهولة التشغيل والتسخين في الصباح الباكر) ومن الممكن سحبه لمسافة قصيرة يدويا والتحرك بالسيارة بهدوء لفترة معينة ثم يتم إرجاعها لموقعها الطبيعي بعض التسخين لمسافة مناسبة

إضافة منذ 13 عام
loleta1
14181

التعليقات

أم العيال منذ 13 عام
تغيبي تغيبي وبرضو ترجعي زي ماانتي,,,,,,,شاطرة يا أروبة ...+1
loleta1 منذ 13 عام
يموت الزمار
wael pauomi osman منذ 13 عام
متشكر لوليتا
loleta1 منذ 13 عام
العفو يالؤلؤ أى خدمة
الباشمهندسة منذ 13 عام
معلومة مفيدة اكيد شكرا للسؤال ولكل الاجابات +1 +1 +1
الاستاذة منذ 13 عام
+1
shady منذ 13 عام
اجابة شاملة وممتازة
safaa منذ 13 عام
+1
3
طيب انا شايفة ان السؤال والاجابة عن تحريك السيارة في الصباح الباكر طب لو انا هاحركها ظهرا او في وقت تكون فيه درجة الحرارة دافئة او حارة فهل الاجابة هنا هي نفسها اللي فوق..........وشكرا
إضافة منذ 13 عام

التعليقات

safaa منذ 13 عام
+1
4
على ما اعتقد يا استاذة ان الموضوع مالوش دعوة بسخونة المحرك بل هو يتعلق بدورة الزيت , بمعنى ان المحرك يتشتغل وتستنى علية لحد ما الزيت يا خد الدورة بتاعته زى ما لوليتا كاتبه بالظبط وانا فعلا بعمل كدة وعندى علامة يتظهر ان السيارة باردة (cool) بتظهر اول لما ادور المحرك ولما تختفى بمشى بالعربية
إضافة منذ 13 عام
shady
8277

التعليقات

الاستاذة منذ 13 عام
+1
شكرا يا شادي
shady منذ 13 عام
العفو يا استاذة
safaa منذ 13 عام
+1
loleta1 منذ 13 عام
+1أدعولى بس بعد الأجابات دى أنى أسوق هههههههههههههههههه طول عمرى أنظف العربية أغير زيت أملاها مية أسخنها ودرستها دراسة تفصيلية وأنا فى 6 أبتدائى لكن عمرى ماجربت أسوقها
shady منذ 13 عام
هههههههه , ولما تعطل بتذقيها 😛
safaa منذ 13 عام
ما هو ياشادى اللى يدعى للولو يدعى بزمة علشان تجبها على الزيرو وماتحتجش زق
loleta1 منذ 13 عام
والله ياما زقيت مع بابا زمان كان غاوى عربيات فيات وكلها غاوية زق لدرجة أنه كان بيركنها على منزل عشان يرحمنا شوية، وبعدين بقولك كنت بنزل تحت العربية وأغير وأفتح صامولة الزيت وأغيره هأحتار فى زقة
وفعلا ياصفصف زقة أيه انا أول ماسوق لازم أدش هههههههههههههه
shady منذ 13 عام
ربنا يكرمها طيب
wael pauomi osman منذ 13 عام
يااه انت بنفسك اللى بتغيرى الزيت دا انا نفسي لو خلفت بتوته تطلع مدربه زيك كده يا لولو
loleta1 منذ 13 عام
المهم يالؤلؤ أنها تجمع بين مجموعة صفات أنها تكون متحملة للمسؤلية وعندها صبر وغاوية تتعلم كل حاجة فى كل حاجة وماتتكسفش تقول ماأعرفش وماتحددش وتقول ده مستحيل أعملة مافيش مستحيل وبعد ده كله تفتكر أنها أنثى يعنى بنت ومش عشان اللى فات تهمل فى نفسها أو تتعامل بخشونة لأ تكون زى القمر ومنتهى الرقة وتستدعى شخصية الولد عند اللزوم
wael pauomi osman منذ 13 عام
باشا
shady منذ 13 عام
عارفة يا لوليتا انا قريت امبارح مقال كدة زى اللى انتى بتقولى عليه دة بالظبط ,, ودة من اهم اسباب فشل الزواج للأسف يعنى , لان الزوج عايزها كدة وفاكرها كدة والزوجة فاكرة زوجها ها يكون ابوها واخوها وامها وكل حاجة ولم بتحط الموضوع دة فى دماغها بتتصدم
shady منذ 13 عام
ودة البند اللى مكتوب فى المقال بالنص :
أن تكون توقعات كل منهما مبالغ فيها، فيظن الزوج أن الزوجة سوف تكون الزوجة والعشيقة والأم والأخت، وهى لا تستطيع تقديم هذا دفعة واحدة، وعلى العكس تتوقع الزوجة بالنسبة للزوج أن يكون الزوج والأب والأخ والصديق، وأيضا هو لا يستطيع تقديم هذا وهنا يحدث الصدام بينهما
loleta1 منذ 13 عام
والله ياشادى العيب على الأهالى بيدلعوا بطريقه تغيظ ده انا ليا قريب مراته أتصلت بيه بتصوت ألحقنى وفى الأخر عرف أن كل ده بسبب أنها شافت برص وخافت ليتحول لتمساح ويأكلها
ولياقريب دكتور وطول اليوم فى نوباتجيات بيجيب لمراته لبن العصفور وعندهم بنت سنتين وولدشهر ودخل البنت حضانة عشان يخف عليهاجنب البيت وبتتخانق معاه عشان مين يودى ويجيب البنت من الحضانة ......ألخ ويستمر الشلل
shady منذ 13 عام
وجهة نظر برضة
wael pauomi osman منذ 13 عام
كويس انها مش مراتى
مره كنت اعد مع2 صحابى واحد بيقول للتانى الراجل اللى يمد ايده على مراته مايبقاش راجل ( عشان عارف انو بيضربها كل يوم علقه) قاله لا انا كده وهو ده مبدأى قالو براحتك بس انا قلتلك وخلاص
تانى يوم اعد معاهم جاى بيقولو انا اكتشفت ان الراجل اللى ميضربش مراتو ما يبقاش راجل ههههههههه
loleta1 منذ 13 عام
لأ بس انا بيتهيألى أنه بينعدم لغة الحوار والأحترام والحب بينهم لدرجة أنه يمد أيده عليها وده ضعف شخصية ممكن بمليون طريقة يوصلها للى هو عايزه وده لوبتحبة وبتخاف على زعله لكن لو جواز أى حاجة تانية يبقى توقع ماهو أسوأ
وأنا شخصيا مابحترمش الراجل اللى يسيب مراته على زمته وهى كرهاه لدرجة أنها تستفزة لضربها حتى لو بينهم 100 طفل يايوصلوا لحل وحوار يابلاش تهزيئ وقلة قيمة وحرام ولادهم يشوفوا دة
shady منذ 13 عام
الله ينور عليكو
safaa منذ 13 عام
ياحلوتكم كلكم...بجد هى دى حلاوة الموقع يااولاد اللمة وكأننا اسرة واحدة وبنكلم بعض ..ربنا يبارك فيكم
MaDa منذ 13 عام
انا عن نفسي مقتنع اوي بالأغنية دي :D:D
انا عشت راهب كل عمري وخايف من الجواز لكن أكيد انا كنت بحلم بواحدة بنت ناس .. أصل اللي تعبني وجابلي الويل ومنيمنيش ولا صبح وليل .. إن الجواز ده آخرته إما الجنان إما الإفلاس ....

فرحان بايه في عسلك يا عريس ما ده اسبوع كده ويدوب .. وتلاقي يعيني الأمطة اتربطت والوش المقلوب .. وفي شغل البيت كده راح تحتاس وتعيش على العدس وعلى القلقاس .. وتصبن مواعين في المطبخ يتنام جنب البوتجاز ..

وكمان شهرين وتلاقي الست حامل جنبك في البيت .. وتجبلك سلمى وحسنة وتامر وهريدي لو حبيت .. وتجر فلوسك يابن الناس كوافيل وسبوع وموغات واكياس .. وتكع فلوس ايشي في دروسهم .. في الجامعة و في الجواز ....


يا عريسنا افهم لا تشوف الويل لازم تاخد بتجارب الغير .. أصل الجواز ده آخرته إما الجنان .. إما الإفلاس :D:D:D
mora منذ 13 عام
مادا بلاش الاقتناع الزايد بلاغنية لانك هتكون فى يوم زى بطل الاغنية دى وتخيل شكلك هيكون ازاى بس ان شاء الله لهيكون افلاس ولا جنان
loleta1 منذ 13 عام
ردى بسيط ومختصر (رجالة بدون جواز #شبابيك منغير أزاز)
MaDa منذ 13 عام
ههههههههههههه حاضر يا مورا مع اني بحب المطبخ أوي على فكرة 😃
MaDa منذ 13 عام
وممكن يا لوليتا زي الصورة من غير برواز 😃
loleta1 منذ 13 عام
تمام هتدبس يعنى هتدبس ياباشمهندس ههههههههههههههه
MaDa منذ 13 عام
ههههههههههههههههههههههههه مفيش مفر 😃
5
العربيات الحديثة لا تحتاج الى التسخين
إضافة منذ 13 عام

التعليقات

safaa منذ 13 عام
+1
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy