معني وحوي يا وحوي .. وحالو يا حالو

5
0
وحوي يا وحوي : كلمة فرعونية بمعني ذهب او رحل تقال عن وداع شعبان واستقبال رمضان أي وحوي يا وحوي أي رحل شعبان وجاء رمضان

وكلمة (أيوح) معناها القمر أو الهلال، وكانت الأغنية قديما تحية للقمر، وأصبحت منذ العصر الفاطمي تحية خاصة بهلال رمضان

وفي الأغنية تأتي أيضا كلمة "وحوي" بمعنى اقتربوا

يعني

الكوبليه الأول
(وحوي يا وحوي أيوحا) ده للقمر اللي اللي مشي بتاع شهر شعبان

وبعدين الكوبليه التاني ( وكمان وحوي أيوحا) ده لهلال رمضان اللي جاي يعني بيودعوا شعبان بالكوبيله الأول وبيرحبوا برمضان بالكوبليه التاني :(

والنص الأصلى للأغنية هو: "قاح وي، واح وي، إحع"، وترجمتها باللغة العربية: "أشرقت أشرقت ياقمر"، وتكرار الكلمة فى اللغة المصرية القديمة يعني التعجب.

ويمكن ترجمتها أيضا: "ما أجمل قرفتك يا قمر". وأغنية "وحوى يا حوى إيوحه" هي من أغانى
الاحتفاء بالقمر والليالي القمرية، وكان القمر عند الفراعنة يطلق عليه اسم "إحع"، .


حالو يا حالو : دائما ما يطوف الأطفال بعد تناول الإفطار يلهون ويلعبون بالفوانيس ويتغنون بهذه الأغنية مطالبين الأهالي بقطع من الحلوى مثل الكنافة والقطايف وغيرها ومن هنا انطلقت أنشودة الأطفال ( حالو يا حالو رمضان كريم يا حالو )


 

إضافة منذ 9 عام
MaDa
11058
غير محدد
تعديل منذ 4 عام

المصدر

المصدر : "قاموس العادات والتقاليد والتعابير المصرية" للأستاذ أحمد أمين

التعليقات

الباشمهندسة منذ 9 عام
مافهمتش حالو ياحلو ... يعني جاية من كلمة حلويات ؟
الباشمهندسة منذ 9 عام
بص بقي فيه حاجة غلط يا انا دماغي قفلت ....
وحوي = رحل او ذهب .... ولا
وحوي = اقتربوا او تعالوا
MaDa منذ 9 عام
بصي هي زي مانا فاهمها .. الكوبليه الأول وحوي يا وحوي أيوحا ده للقمر اللي اللي مشي وبعدين الكوبليه التاني ( وكمان وحوي أيوحا) ده لهلال رمضان اللي جاي يعني بيودعوا شعبان بالكوبيله الأول وبيرحبوا برمضان بالكوبليه التاني ولو كملتي الأغنية هتلاقي المعني متفق مع اللي أنا قلته 😞
زغباوية منذ 9 عام
طيب المصدر؟
MaDa منذ 9 عام
"قاموس العادات والتقاليد والتعابير المصرية"
MaDa منذ 9 عام
يارب التعديل يكون وضح أي غموض 😞
زغباوية منذ 9 عام
وفعلا حالو مش واضحة معناها يعنى الاطفال عايزين يحلّو ولا ايه؟؟
MaDa منذ 9 عام
بالظبط كده (( مطالبين الأهالي بقطع من الحلوى مثل الكنافة والقطايف وغيرها))
الاستاذة منذ 9 عام
امانة بعد الكلكعة دي الواحد يقولها من غير ما يعرف معناها افضل ماهو اهالينا مش هايعلمونا كلام معناه وحش يعني اكيد المعاني حلوة
ووحوي يا وحوي اليوحا وكمان وحوي اليوحا
وحالو يا حالو رمضان كريم يا حالو
ورمضان جانا اهلا رمضان قولوا معانا اهلا رمضان رمضااااااااااااااااان جانا
MaDa منذ 9 عام
معلش يا أستاذة بس زغباوية لما سألت عن معناهم قبل كده حبيت أدور على معناهم وهو ده اللي انا وصلتلوا .. وعلى فكرة دا كان في حاجات مكلكعة اكتر من كده 😃
الاستاذة منذ 9 عام
كتر خيرك على تعبك قبل كل حاجة ولك 1000 شكر كمان
zedony.com - A mmonem.com production. Privacy Policy