التأمل

اقرأ القرأن وخصوصا الآيات الكونية وانظر حولك وقت شروق الشمس وانت قاعد على البحر او في مركب على النيل او وانت مسافر وسط الجبال او وقت نزول المطر او وانت ماشي وسط الشجر والخضرة

وتدبر معانيها وقول سبحان مبدع هذا الكون

انا شخصيا بحب اتأمل كل جميل وكل ماهو شنيع عشان أقول سبحان الله ده أحنا مخلوقات عجيبه يعنى مثلا لما بتأمل اى حاجة جميله زى الطبيعه زى السما الشروق الغروب البحر الورد وبنتى بحس بجمال الدنيا وعظمة الخالق وبرضه شويتين الحر بتوع اليومين دووول بيخلونى أقول انا بتشوى أمال جهنم شكلها أيه لاأله ألا أنت سبحانك أنى كنت من الظالمين
وساعات بحب أتأمل نفسى بينى وبين نفسى بحلوها ومرها عشان أعالجهاوأحاول أعدل منها
وكتير بحب أسرح بشعورى ناحية أى صفه أنسانيه زى (غضب -فرح-حزن -دهشة-خوف ألخ)خصوصا لما برسم لوحاتى عشان تاخذ طابع من الصفات دى وتحس أن فيها روح وكمان جمال وفكر
عارفين أجمل مافى التأمل والتفكر أيه؟
أنك بتأخذ نفسك وتعمل جولة وانت فى مكانك سواء عملتها بروحك أو عينيك بتلاقى نفسك بتلف بيك وافكارك بتعصف فى دماغك وتشدك ناحية كل عجيبة بتحسها وتشوفهاعشان ترجعلك روحك فى الاخر وعيونك وهى بتقول سبحان الله القادر على كل شيئ ان يرد شيئ يقول له كن فيكون (لا أله ألا الله)