في الكمبيوتر

طبعاً ممكن. في ٢ Password في ال Router الأولى علشان لما تدخل على ال Router نفسه علشان تغير فيه حاجة. والتانيه علشان ال Wireless فأي حد معاه كمبيوتر وعايز يدخل على النت بتاعتك لازم يعرف ال Password الثانيه. وعلا فكرة .. انت لازم تغير الأثنين.
علشان تغير الPassword (أي واحدة) لازم تدخل على ال Router وده عن طريق كتابة ال IP بتاع ال Router بتاعك في برنامج ال Internet Explorer (أو أي برنامج مشابه) ال IP بيكون في الغالب 192.168.1.1 او 192.168.2.1 لو دول ماشتغلوش ادخل علي ال Command menu من Start... Run واكتب cmd. ده هايفتحلك شاشه سوده ذي شاشة ال DOS بتاع زمان. اكتب امر ipconfig وشوف ال IP بتاعك إيه، وعلى فكره هاتلاقي ان اخر رقم بعد اخر نقطة مش ١ بس انت خد الرقم الي هاتلاقيه وغير الرقم الأخير (بعد اخر نقطة) وحط ١.
لو سألك على ال Password راجع الكتيب الي جه مع الجهاز وحط ال Default Password.
بعد كده الخطوات المطلوبه علشان تغير الأثنين Passwords بتختلف من جهاز للتاني، فلازم تراجع الكتيب الي جاي مع الجهاز.
Good luck. 

بالطبع ينفع ! هو ده الطبيعي أساسا !

لكن المشكلة ان كل شركة بتصنع راوتر بيبقى لها إجراءات خاصة لضبط الباس وورد دي. يعني مينفعش أقول لك الخطوات بدون ما أشوف الراوتر أولا.

لكن عموما الخطوات دي بتبقى سهلة جدا وخاصة في راوترات اليومين دول. يمكن تلاقيها في أول صفحات دليل الاستخدام.

ومع ذلك لو زودتني بمعلومات عن مودبل الراوتر ممكن أبص على الموديل ده في الأنترنت وأقول لك الخطوات في التليفون

تحياتي !