الدواء المعلق

4
0
في انواع كثيرة من ادوية الاطفال عبارة عن معلق زي المضادات الحيوية وخوافض الحرارة و المكملات الغذائية وانا بتكلم عن اللي هي اصلا بتتباع معلق وليست بودرة ويضاف لها ماء.

السؤال

ما مدي صلاحية هذة الادوية بعد فتحها للاستخدام يعني هل فعلا بمجرد فتحها واستخدمها والانتهاء منها يجب القاء البقية ام ممكن الحفاظ عليها واستخدمها مرة اخري طالما ان تاريخ الصلاحية ساري والتخزين جيد ؟

من فضلك

السؤال ده محتاج رد من متخصص او معلومة اكيدة لانها متعلقة بالصحة ومحدش يرد والسلام ويقول الدوا المعلق صلاحية اسبوع او 21 يوم من الفتح والاستخدام بدون ذكر الاسباب

 

إضافة منذ 13 عام
الكاتب الأصلي
تعديل منذ 11 عام

التعليقات

الاستاذة منذ 13 عام
+1
ايه الاسئلة الجميلة دي
أم العيال منذ 13 عام
هي دي الأسئلة والا بلاش.....
زغباوية منذ 13 عام
+ 1 حلو اوى السؤال ده وكويس انك كتبتى الملحوظة دى
زغباوية منذ 13 عام
ده لو من شهرين لازم ترميه فورا لحد ماحد يجاوب:(
الاستاذة منذ 13 عام
كان دايما الدكتور يقولي ان استعماله اسبوع من تاريخ الفتح لو كانت مدة العلاج اسبوع
واتذكر اني قرأت نصيحة الدكتور على احدى النشرات لنوع من هذه الادوية
الدكتورة منذ 13 عام
الاجابة هايفة قوى
اولا الادوية المضاد الحيوة البودرة صالحة اسبوع بره التلاجة و14 يوم جوه التلاجة
اما المعلق الجاهز فممكن يقعد شهر جوه التلاجة
وبشكل عام بيبقى مكتوب على علبة الدوا طبعا من مصلحة شركات الادوية انك تشترى كتير فلو الدواء له صلاحية معينة بعد فتحه بيكتب لك ده بشكل واضح على العلبة
الدكتورة منذ 13 عام
طبعا الصيادلة يعرفوا اكثر منى
الباشمهندسة منذ 13 عام
ليه ماكتبتش الكلام ده في اجابة علي السؤال تحت عند تسجيل اجابتك عشان الكل يستفيد ويتقفل السؤال

وعشان تاخدي درجات كمان وتستفيدي 😞
الدكتورة منذ 13 عام
اصلى لسه مش متمكنة من الموقع وبدخل كده سريع سريع
أم العيال منذ 13 عام
أولا شكرا عالإجابة ...
لكن بيبقي فيه ساعات أدويةغالية جدا ويادوب بتستعمل حبة صغيرة وبيتفضل أكتر من نصها والواحد بيستحرم يرميها وبنسيبها في التلاجة أكتر من 4 شهور ,وشكلها بيفضل زي ما هو وما بيحصلش ليها أي تغير سواء في الريحة أو الطعم أو السيولة
الباشمهندسة منذ 13 عام
علي فكرة انا كتبت نفس التعليق تحت علي الاجابة بتاعت الدكتورة بس هي مختفية ديلوقتي عشان Monem بيعمل تعديلات

الإجابات

5

اولا الادوية المضاد الحيوة البودرة صالحة اسبوع بره التلاجة و14 يوم جوه التلاجة
اما المعلق الجاهز فممكن يقعد شهر جوه التلاجة
وبشكل عام بيبقى مكتوب على علبة الدوا طبعا من مصلحة شركات الادوية انك تشترى كتير فلو الدواء له صلاحية معينة بعد فتحه بيكتب لك ده بشكل واضح على العلبة
إضافة منذ 13 عام

التعليقات

الباشمهندسة منذ 13 عام
شاطرة واحدة واحدة رجليك هتاخد علي الموقع ومش هتسلية ابدا 😞

ولو عندك اي تساؤل احنا في الخدمة 😞
الباشمهندسة منذ 13 عام
يعني خوافض الحرارة او ادوية الاسهال اللي بتبقي معلق المفروض انها تترمي بعد شهر ... ده حرام بيتاخد منها معلقة ولا اتنين وبعدين تترمي ... يلا المهم صحة العيال 😞
الدكتورة منذ 13 عام
الحقيقة انا كلامى كان عن المضادات الحيوية اما الخوافض والاسهال هابحث لك عن الموضوع ده بس انا عندى سؤال ازاى اقدر اضيف فديو على الموقع وهل ممكن اضيف اكثر من فيديو فى نفسى الموضوع؟؟؟
الباشمهندسة منذ 13 عام
طبعا طبعا الموضوع سهل خالص :

الفيديو لازم يكون من يوتيوب youtube هتاخذي العنوان بتاعة فوق من صفحتة نسخ وبعدين لصق في اي مشاركة انتي عايزاها وممكن عدد لانهائي من الفديوهات المأخوذة من اليوتيوب يعني من النت والي النت مباشرةً
الدكتورة منذ 13 عام
شكرا جزيلا هاجرب
الدكتورة منذ 13 عام
يا باشمهندسة الرابط بيظهر لكن مش الفيديو اعمل ايه
انا ممكن اقولك على الموضوع وانت تساعدينى
http://www.zedony.com/index.php/article/view/id/4645
الباشمهندسة منذ 13 عام
تمام يا دكتورة 10/10 انا ظبطتلك المشكلة وشرحتلك تفاديها في المرات القادمة ان شاء الله
http://www.zedony.com/index.php/article/view/id/4645#comment-22641
2
الخبر اليقين:

طبعا لان الموضوع يهمني كثيرا وكنت عايزة فيه افادة ليا ولكل الاعضاء انا سألت اكثر من طبيب صيدلي وكان الرد واحد ولا يوجد اختلافات وكان كالاتي:

الدواء المعلق الجاهز زي الفيتامينات او بعض انواع خوافض الحراة والمكملات الغذائية وخلافة واللي هو اصلا معبأ في الزجاجة ومطلوب رجة قبل الاستعمال مفيش مشكلة خالص بعد الانتهاء من الفترة العلاجية يتم حفظ المتبقي في الثلاجة ويظل صالح حتي الوصول الي تاريخ انتهاء الصلاحية يعني لو ظل في التلاجة سنة بحالها مش هيجري له حاجة طالما لم يصل الي نهاية صلاحيته.

اما عن الدواء المعلق اللي هو اصلا بودرة ويتم اضافة ماء نقي اليه لا يصلح للاستخدام بعد وضع الميه عليه اكتر من 3ايام الي اسبوع جوة تلاجة برة تلاجة مش هتفرق يعني لمدة العلاج فقط ولا يجوز الاحتفاظ باي متبقي منه.

وبالشفا لكل العيانين ... وربنا ما يحوجنا للأدوية
إضافة منذ 13 عام

التعليقات

أم العيال منذ 13 عام
الله يخليكي يا بشبوشة كنت فعلا عايزة أعرف الرد الأكيد ..........شكرا جزيلا
3
السلام عليكم و رحمة الله و بركاته .بالنسبة للادويه المعلقة الجاهزه مثل أدوية مضادات الحموضة ومضادات الاسهال وخلافه اول حاجه و أهم حاجة انها لازم تترج كويس اوي قبل الاستعمال كل مرة ودي مفيش مشكلةفي تاريخ انتهائها . بمعني ان تاريخ نهايتها هو نفسه تاريخ النهاية المكتوب علي الزجاجة. و مش شرط حفظها في ثلاجه طالما درجة حرارة الغرفة لم تتجاوز ال25 درجة. اما بالنسبة للمضادات الحيويةاالبودرة فتاريخ نهايتها هو 15 يوم من ساعة اضافة الماء للبودرة و يستحسن حفظها في ثلاجه وطبعا نفس الشيئ يجب ان ترج كل مرة كويس اوي قبل الاخذ منها . والاهم من كل ده هو ان المضاد الحيوي اي مضاد حيوي لازم ولابد ان يستخدم خمس أيام علي الاقل و مش معني ان المريض خف بعد يومين او ثلاثة ان نوقف العلاج لا دي حاجة خطيرةجدالان الميكروب بياخذ مناعة ضد المضاد الحيوي ده و تاني مرة لا قدر الله اذا احتجتوا مش هيجيب نتيجه معك . و اذا لاحظتوا ان ككل شركات الادوية زودت عبوات المضادات الحيوية لتكون 100 سم ليكفي 5اايام عللشان كده المضاد الحيوي البودرة اذا استخدم صح مش هيتبقي منه حاجه ومش هنحتاج نبص علي تاريخ نهايةالا لا قدر الله احتاجنا علاج اكثر من 5 أيام
إضافة منذ 11 عام
faress
30

التعليقات

زغباوية منذ 11 عام
شكراً جزيلاً يادكتور
محمد عبد المنعم منذ 11 عام
جميلة جدا الإجابة ... وجميل جدا جدا إننا معانا خبرة زي حضرتك ويا رب تفضل معانا شايل معانا الحمل الثقيل ده وطبعا إحنا مستنيين ملاحظاتك ومقترحاتك
الباشمهندسة منذ 11 عام
شكرا faress علي دقة الاجابة والتفصيل ... سؤال طبي اخر

اذا الادوية عموما سواء مضاد حيوي او خلافة وسواء كانت الشراب او برشام او كبسولات اتعرضت لدرجة حرارة عالية في فصل الصيف مثلا في الصيدلية المنزليه او درج او كانت متروكة في العربية تحت اشعة الشمس هل هذا يعني انها فسدت او كفائتها وقدرتها علي العلاج قلت علي الرغم من انها كانت بداخل العلبة الكرتون ؟؟!!
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy