لصق الرخام

معرفش إيه الموجود في مصر، بس نصحتي ليكي انك ماتستعمليش لزق لأنه هايكون صعب أوي يتشال وممكن يكسر الجرانيت كمان لو حصل أي حاجة وحبيتي تغيري الحوض.
السيليكون هو الحاجة الي لازم تستعمليها، هو فيه منه انواع كتيير فتأكدي انك اشتريتي النوع المناسب. كمان في ٣ حاجات مهمة وانتي بتحطي السيليكون الجديد:
١) تأكدي انك شلتي السيليكون القديم كله (من الحوض ومن الرخام) فيه كمان حاجات بتشيل السيليكون القديم ( من محلات السباكه)؛
٢) تأكدي ان المكان الي هاتحطي فيه السيليكون الجديد ناشف ١٠٠ ٪ ؛
٣) مهم جداً ترك السيليكون الجديد حتي ينشف تماماًً؛ في الأماكن الضيقة والي بتحطي فيها سيليكون كتيير (زي الأحواض) السيليكون بيحتاج فترة أطول علشان ينشف، فاتركيه ٢٤ ساعة او اكتر قبل ماتستعملي الحوض ومتحركيش الحوض علشان تشوفي السيليكون نشف والا لأ

أنا كنت باتعامل مع محل سباكه حلو أوي على شارع جسر السويس أسمة "معرض النيلين" هو قريب من Monem, ممكن تشتري من عندهم السيليكون وهما كمان هينصحوكي اي نوع تستعمليه.

Good Luck