مسابقة (( الأسرة المسلمة )) .. تمت بحمد الله .. ها هي بين يديكم

9
0
بإذن الله انا بحضر لمسابقة دينية كبيرة هتبقى في شهر رمضان المبارك .. اللهم بلغنا إياه .. واخترت اسم مسابقة الأسرة المسلمة عشان المسابقة تبقى للأسرة كلها .. وده هيخلق جو إيماني جميل اوي بين أفراد الأسرة لما الكل يبقى قاعد يقرا ويبحث .. إن شاء الله هتبقى مسابقة جميلة وكلنا هنستفاد منها .. انا قربت اخلصها وإن شاء الله بحلول شهر رمضان تطلع للنور ويتم إعلان النتيجة في ليلة القدر بإذن الله

للبشمهندس محمد :
هيبقى في اكيدتواصل بيني وبين حضرتك عشان نشوف طريقة سير المسابقة لأنها مش مجرد سؤال أو سؤالين .. هتبقى مسابقة كبيرة جدا .. وعايزين يبقى ليها جوايز ولوحة شرف للفائزين في الموقع وافكار تانية كتير أوي وطريقة التقييم وهكذا

لكل أعضاء الموقع
عايز اقتراحتكو لو عندكو اي فكرة تخص المسابقة ياريت تتفضلوا تقولوها

*

تمـــــــــــــــــت بفضل الله

مسابقة (( الأسرة المسلمة )) .. الأسئلة .. طريقة سير المسابقة .. الجوائــز


لكل من واجه صعوبة في تنزيل أسئلة مسابقة ((الأسرة المسلمة)) .. إليكم الأسئلة


ملحق بــ (( مسابقة الأسرة المسلمة )) .. كيف ترسل إجابتك .. شرح كامل بالصور

للتواصل معايا عشان لو في أي استفسار أو مشكلة

mo7amed_sa3d_fcih@yahoo.com
madafcih@gmail.com
او من خلال الفيس بوك https://www.facebook.com/MaDa.FCIH

 

إضافة منذ 9 عام
MaDa
11058
غير محدد
تعديل منذ 8 عام
MaDa
11058

التعليقات

الباشمهندسة منذ 9 عام
انا بشجع الفكرة الجميلة دي .... بس فيه مشكلة واحدة ان ممكن ستات الموقع مايبقاش عندها وقت تدخل علي الموقع في رمضان عشان مقضينها مطبخ علي طول 😞
MaDa منذ 9 عام
التشجيع مش كفاية .. المشاركة هي الأهم .. وممكن تشتغلوا في المطبخ بالنهر والمسابقة باليل بعد صلاة التراويح وبعدين المسابقة إن شاء الله شاملة كل حاجة .. قرآن كريم وحديث وكل حاجة ممكن تتخيليها .. يعني هتشغل كل المشتركين وتنشطهم جدا 😞
زغباوية منذ 9 عام
وان كمان من المشجعين لهذه الفكرة
وياباشمهندسة المطبخ مش طول النهار كدا في رمضان ده حتى المغرب بيدن متأخر ووقتنا بيكون منتظم اكتر
كل عام وانتم بخير.... ربنا يبلغنا رمضان
الاستاذة منذ 9 عام
المهم في المسابقة اكتر من الاجابات كمية المعلومات اللي هانطلع بيها من المسابقة يعني حتى لو ماجوبناش هانستفيد
شكرا للفكرة +1
محمد عبد المنعم منذ 9 عام
يا MaDa Fcih لازم يكون فيه تواصل طبعا مش بس عشان المسابقة
أنا تليفوني 0103535886
زغباوية منذ 9 عام
ههههههههه ياريس هاتلاقى العالم كله بيتصل بيك دلوقتى
MaDa منذ 9 عام
@زغباوية: منتظر مشاركتك إن شاء الله في المسابقة 😞
@monem : أكيد يا بشمهندس والرقم خلاص saved 😉
زغباوية منذ 9 عام
ان شاء الله يامادا
safaa منذ 9 عام
بارك الله فيك يامحمد+1
الباشمهندسة منذ 9 عام
افكار بسيطة

1- ايات من القران وكل واحد يقول هي مذكورة في سورة ايه بس من غير بحث علي النت لازم يكون البحث من المصحف وممكن في اول الشهر نخليها من اول 3 او 4 اجزاء اللي الناس دايما تبدأ بيهم في رمضان والاجابة مش لازم تكون في نفس اليوم وان شاء الله Monem يخلي الاجابات محجوبة عشان ماحدش يبص علي اجابة حد.

2- اسماء لشخصيات ذكرت في القران ويكون السؤال ايه هو سبب ذكرهم والقصة باختصار بداية من الانبياء وصولا الي الكافرين مثل السامري و قارون مثلا.

3- بعض ايات القران واسباب نزولها لان فيه بعض الايات ليها قصص جميلة قوي مش معروفة وبنعدي علي الايه كده في السريع عند القراءة دون توقف عندها

4- الفاكهة والخضار والحيوانات والمدن والالوان التي ذكرت في القران عدد مراتها والسور التي ذكرت فيها ومعلومات بسيطة عنها.

5- ممكن ندخل في المسابقة حاجات زي اسماء الله الحسني ومعانيها وعدد مرات ذكر كل اسم منها وممكن العشرة المبشرون بالجنة مثلا.

يعني شوية خواطر كده مش مرتبة بس يمكن تساعدك
زغباوية منذ 9 عام
برافو ياباشمهندسة
MaDa منذ 9 عام
ربنا يكرمك ويبارك فيكي يا خالتو 😞
MaDa منذ 9 عام
مش عارف اقولك ايه يا باشمهندسة .. بجد رائعة كل الأفكار دي .. وفيها حاجات مكنتش حاططها في بالي خالص خصوصا رقم 4 و 5 😞
عبد المنعم منذ 9 عام
حضراتكم دا موقع عمومى ... يعنى بتعمل حاجة للاسرة المسلمة يعنى تعمل حاجة للاسرة المسيحية .. لا مؤاخذة احنا بنتكلم مصرى
MaDa منذ 9 عام
طيب وأنا هعملها إزاي .. ممكن الأخوة المسيحين برده يعملوا نفس الفكرة مفيش أي مشكلة 😞
عبد المنعم منذ 9 عام
ادعوا اصحابكم المسيحيين يدخلوا هنا .. مش نفضل نرد على بعض فى مواقع مختلفة ..
MaDa منذ 9 عام
حاضر 😞 بس المهم هتشترك معانا في المسابقة ولا لا .. وعلى فكرة .. الجوايز هتبقى على حضرتك :D:D
زغباوية منذ 9 عام
دعوة حلوة ياعبد المنعم
بس الفكرة ان رمضان جاى وكل سنة ومصر والعالم العربى بخير
loleta1 منذ 9 عام
يامادا انا بقترح ان ندخل الخلفاء الراشدين والآئمة والشخصيات التاريخية الأسلاميه فى المسابقة لان كتير مننا مايعرفهمش
وكمان تفسير كلمات فى القرءان
وكمان العبادات زى أيه الفرض وايه السنة فى الصلاة والوضوء والغسل وغيره
safaa منذ 9 عام
الجوايز هتبقى من عندى انا... يعنى من جيب العضو عبد المنعم
MaDa منذ 9 عام
تمام يا زغباوية 😞
MaDa منذ 9 عام
أيون كده يا لوليتا .. كنتي فين .. جميلة أوي الاقتراحات دي خصوصا الأول وقالت عنها برده الباشمهندسة 😞
MaDa منذ 9 عام
والله انتي زي السكر يا خالتو صفاء هههههههههههههههههههه .. احنا عيزين بقى جوايز مادية وعينية ومعنوية من كل الأنواع :D:D
أوعى تضرب يا عمو عبد المنعم .. انت حبيبي والله 😛
عبد المنعم منذ 9 عام
لا مؤاخذة بس .. بعد اذنكم .. اللى عاوز يفندر ، يفندر من ديبه !!!
MaDa منذ 9 عام
هههههههههههههههههههههههههههههههه انا مقلتش حاجة .. خالتو هي اللي قالت .. انا بهدي النفوس على فكرة :D:D:D
safaa منذ 9 عام
لا تقلق عليا ياحمادة ..هدى النفوس زى ما انت عايز..انا بعرف اتصرف فى المواقف اللى زى دى
MaDa منذ 9 عام
وانا واثق في قدرة حضرتك يا خالتو 😞
mora منذ 9 عام
اولا فكرة حلوة جدا يا مادا بس فى رمضان الكمبيوتر مش اساسى يعنى هتكون فى اولويات
mora منذ 9 عام
ثانيا انت بتهدى النفوس كتير قوى اليومين دول ع العموم يا طنط هو قصده خير هههههههههههههه
mora منذ 9 عام
+1
MaDa منذ 9 عام
فاهماني يا مورا 😛
وبالنسبة لرمضان وان الكمبيوتر مش من الأولويات زي ما قلتي .. بس المسابقة دي هتعمل نشاط ديني محصلش في البيت كله .. تخيلي لما الأسرة كلها قاعدة ماسكة المصحف أو كتاب عشان تدور على إجابة سرال .. تخيلي الجو الإيماني اللي هيبقى عامم المكان .. صدقيني هتبقى جميلة أوي وهتدخليها إن شاء الله بس ذاكري وشدي حيلك 😞
mora منذ 8 عام
ان شاء الله
الباشمهندسة منذ 8 عام
منتظرين ... يا مسهل ... يا كريم ... 😞
زغباوية منذ 8 عام
منتظرين ومتشوقين نعرف الجوايز ايه:P
safaa منذ 8 عام
الجوائز من عندى انا بس يالا شد حلكم
MaDa منذ 8 عام
ان شاء الله هتنزل كراسة الشروط وكل حاجة عن المسابقة وموعد تسليم الإجابات وكل حاجة إن شاء الله قبل السحور 😞
safaa منذ 8 عام
براحتك يامادا ماتستعجلش علشان الحاجة تكون مظبوطة
الباشمهندسة منذ 8 عام
كان لازم تحط الرابط مع التعيل ... ماتشيلش هم انا حطيته
مسابقة (( الأسرة المسلمة )) .. الأسئلة .. طريقة سير المسابقة .. الجوائــز
MaDa منذ 8 عام
معلش فاتتني دي .. تسلمي يا بشمهندسة 😞
MaDa منذ 8 عام
ناقص بس البشمهندس يثبت المشاركة طول فترة إقامتها عشان تبقى دايما قدام الناس والا هضطر كل شوية اعمل تعديل عشان تبقى موجود دايما لحد معاد الانتهاء !!
محمد عبد المنعم منذ 8 عام
هنزلهالك كرابط دائم تحت أخبار الموقع ... ايه رأيك؟
MaDa منذ 8 عام
ياريت .. فكرة جميلة جدا
MaDa منذ 8 عام
يلا كلو يشترك يا جماعة .. مستني تواصلكم معايا
زغباوية منذ 8 عام
اول المشتركين زغباوية بس اكون فاضية علشان امخمخ الاول
MaDa منذ 8 عام
أيوة كده يا زغباوية بقى 😞
zedony.com - A mmonem.com production. Privacy Policy