مسابقة (( الأسرة المسلمة )) .. تمت بحمد الله .. ها هي بين يديكم

انا بشجع الفكرة الجميلة دي .... بس فيه مشكلة واحدة ان ممكن ستات الموقع مايبقاش عندها وقت تدخل علي الموقع في رمضان عشان مقضينها مطبخ علي طول

التشجيع مش كفاية .. المشاركة هي الأهم .. وممكن تشتغلوا في المطبخ بالنهر والمسابقة باليل بعد صلاة التراويح وبعدين المسابقة إن شاء الله شاملة كل حاجة .. قرآن كريم وحديث وكل حاجة ممكن تتخيليها .. يعني هتشغل كل المشتركين وتنشطهم جدا

وان كمان من المشجعين لهذه الفكرة
وياباشمهندسة المطبخ مش طول النهار كدا في رمضان ده حتى المغرب بيدن متأخر ووقتنا بيكون منتظم اكتر
كل عام وانتم بخير.... ربنا يبلغنا رمضان

المهم في المسابقة اكتر من الاجابات كمية المعلومات اللي هانطلع بيها من المسابقة يعني حتى لو ماجوبناش هانستفيد
شكرا للفكرة +1

يا MaDa Fcih لازم يكون فيه تواصل طبعا مش بس عشان المسابقة
أنا تليفوني 0103535886

ههههههههه ياريس هاتلاقى العالم كله بيتصل بيك دلوقتى

@زغباوية: منتظر مشاركتك إن شاء الله في المسابقة
@monem : أكيد يا بشمهندس والرقم خلاص saved

ان شاء الله يامادا

بارك الله فيك يامحمد+1

افكار بسيطة

1- ايات من القران وكل واحد يقول هي مذكورة في سورة ايه بس من غير بحث علي النت لازم يكون البحث من المصحف وممكن في اول الشهر نخليها من اول 3 او 4 اجزاء اللي الناس دايما تبدأ بيهم في رمضان والاجابة مش لازم تكون في نفس اليوم وان شاء الله Monem يخلي الاجابات محجوبة عشان ماحدش يبص علي اجابة حد.

2- اسماء لشخصيات ذكرت في القران ويكون السؤال ايه هو سبب ذكرهم والقصة باختصار بداية من الانبياء وصولا الي الكافرين مثل السامري و قارون مثلا.

3- بعض ايات القران واسباب نزولها لان فيه بعض الايات ليها قصص جميلة قوي مش معروفة وبنعدي علي الايه كده في السريع عند القراءة دون توقف عندها

4- الفاكهة والخضار والحيوانات والمدن والالوان التي ذكرت في القران عدد مراتها والسور التي ذكرت فيها ومعلومات بسيطة عنها.

5- ممكن ندخل في المسابقة حاجات زي اسماء الله الحسني ومعانيها وعدد مرات ذكر كل اسم منها وممكن العشرة المبشرون بالجنة مثلا.

يعني شوية خواطر كده مش مرتبة بس يمكن تساعدك

برافو ياباشمهندسة

ربنا يكرمك ويبارك فيكي يا خالتو

مش عارف اقولك ايه يا باشمهندسة .. بجد رائعة كل الأفكار دي .. وفيها حاجات مكنتش حاططها في بالي خالص خصوصا رقم 4 و 5

حضراتكم دا موقع عمومى ... يعنى بتعمل حاجة للاسرة المسلمة يعنى تعمل حاجة للاسرة المسيحية .. لا مؤاخذة احنا بنتكلم مصرى

طيب وأنا هعملها إزاي .. ممكن الأخوة المسيحين برده يعملوا نفس الفكرة مفيش أي مشكلة

ادعوا اصحابكم المسيحيين يدخلوا هنا .. مش نفضل نرد على بعض فى مواقع مختلفة ..

حاضر بس المهم هتشترك معانا في المسابقة ولا لا .. وعلى فكرة .. الجوايز هتبقى على حضرتك :D:D

دعوة حلوة ياعبد المنعم
بس الفكرة ان رمضان جاى وكل سنة ومصر والعالم العربى بخير

يامادا انا بقترح ان ندخل الخلفاء الراشدين والآئمة والشخصيات التاريخية الأسلاميه فى المسابقة لان كتير مننا مايعرفهمش
وكمان تفسير كلمات فى القرءان
وكمان العبادات زى أيه الفرض وايه السنة فى الصلاة والوضوء والغسل وغيره

الجوايز هتبقى من عندى انا... يعنى من جيب العضو عبد المنعم

تمام يا زغباوية

أيون كده يا لوليتا .. كنتي فين .. جميلة أوي الاقتراحات دي خصوصا الأول وقالت عنها برده الباشمهندسة

والله انتي زي السكر يا خالتو صفاء هههههههههههههههههههه .. احنا عيزين بقى جوايز مادية وعينية ومعنوية من كل الأنواع :D:D
أوعى تضرب يا عمو عبد المنعم .. انت حبيبي والله

لا مؤاخذة بس .. بعد اذنكم .. اللى عاوز يفندر ، يفندر من ديبه !!!

هههههههههههههههههههههههههههههههه انا مقلتش حاجة .. خالتو هي اللي قالت .. انا بهدي النفوس على فكرة :D:D:D

لا تقلق عليا ياحمادة ..هدى النفوس زى ما انت عايز..انا بعرف اتصرف فى المواقف اللى زى دى

وانا واثق في قدرة حضرتك يا خالتو

اولا فكرة حلوة جدا يا مادا بس فى رمضان الكمبيوتر مش اساسى يعنى هتكون فى اولويات

ثانيا انت بتهدى النفوس كتير قوى اليومين دول ع العموم يا طنط هو قصده خير هههههههههههههه

+1

فاهماني يا مورا
وبالنسبة لرمضان وان الكمبيوتر مش من الأولويات زي ما قلتي .. بس المسابقة دي هتعمل نشاط ديني محصلش في البيت كله .. تخيلي لما الأسرة كلها قاعدة ماسكة المصحف أو كتاب عشان تدور على إجابة سرال .. تخيلي الجو الإيماني اللي هيبقى عامم المكان .. صدقيني هتبقى جميلة أوي وهتدخليها إن شاء الله بس ذاكري وشدي حيلك

ان شاء الله

منتظرين ... يا مسهل ... يا كريم ...

منتظرين ومتشوقين نعرف الجوايز ايه:P

الجوائز من عندى انا بس يالا شد حلكم

ان شاء الله هتنزل كراسة الشروط وكل حاجة عن المسابقة وموعد تسليم الإجابات وكل حاجة إن شاء الله قبل السحور

براحتك يامادا ماتستعجلش علشان الحاجة تكون مظبوطة

كان لازم تحط الرابط مع التعيل ... ماتشيلش هم انا حطيته
مسابقة (( الأسرة المسلمة )) .. الأسئلة .. طريقة سير المسابقة .. الجوائــز

معلش فاتتني دي .. تسلمي يا بشمهندسة

ناقص بس البشمهندس يثبت المشاركة طول فترة إقامتها عشان تبقى دايما قدام الناس والا هضطر كل شوية اعمل تعديل عشان تبقى موجود دايما لحد معاد الانتهاء !!

هنزلهالك كرابط دائم تحت أخبار الموقع ... ايه رأيك؟

ياريت .. فكرة جميلة جدا

يلا كلو يشترك يا جماعة .. مستني تواصلكم معايا

كلو يشارك يلا يا جماعة مسابقة (( الأسرة المسلمة )) .. الأسئلة .. طريقة سير المسابقة .. الجوائــز

اول المشتركين زغباوية بس اكون فاضية علشان امخمخ الاول

أيوة كده يا زغباوية بقى