الفول المدمس

5
0
اولا عايزة طريقة تمديس الفول عشان يطلع حلو كده و زي الزبده مع مراعاة ذكر نوع الفول مستورد بلدي مشكل يعني كل واحد يقول طريقته ولو حد عنده افكار جديدة او اضافات يقولنا عليها.

ثانيا لما بدمس الفول بيبقي لونه بني فاتح جميل لكن بمجرد ما يبرد يتغير لونه الي الاسود وبيحصل للطبقة اللي فوق نوع من الاكسدة وبالتدريج تغير اللون بيوصل لكل المقدار نفسي اعرف طريقة تحافظ علي لون الفول زي كده بتوع برة الفول عندهم بني محمر علي طول

وبالهنا والشفا لكل اللي بياكل فول مدمس


فين الاجابات ياجماعة ماحدش بياكل فول مدمس ولا ايه ؟
داحنا مصرين والمصري الاصيل يضرب طبق الفول علي الصبح عشان يظبط يومة :(

 

إضافة منذ 10 عام
غير محدد
تعديل منذ 10 عام

التعليقات

Menem منذ 7 عام
ما هو الفول ايضا له آثار جانبية هى ان ما جدش قادر يرد على السؤال ... والاحسن لك تسألى واحد فوال !!!

الإجابات

4
انا بعمل الفول ايا كان نوعه كالاتي:
بحطه في حالة صاج اللي عاملة زي البومباي واحط عليه طمامية وفلفلية وجزرية وليمونتين مقطعين نصين وشوية عدس اصفر واحط عليهم ماية واغطيه ولما يغلى اهدي عليه واسيبه لحد ما يستوي وبيطلع زي الفل باستعمل اللي عايزاه والباق احطه في اكياس في الفريزر..............وبالهنا
وسمعت ان العدس الاصفر ده علشان يفتح لونه
وانا دايما بقتنع ان البلدي يوكل يعني مافيش احسن منه لكن عيبه في الفول ان حبته بتكبر قوي عن المستورد*
إضافة منذ 10 عام

التعليقات

MaDa منذ 10 عام
وممكن كمان تحطي حمص الشام وفول مدشوش على الوش أثناء الطهي 😞
2
المقادير:
- 2/1 كيلو فول
- 4 ملاعق عدس أصفر
- ملعقتين أرز
- بصلة كبيرة او ححسب الرغبة
- 4فصوص ثوم
- 1 طماطم
- عصير ليمونة

الطريقة:
- ينقى الفول ثم يغسل الفول جيدًا.
- ينقع الفول في الماء لمدة 6 ساعات أو من الليل إلى الصبح افضل.
- توضع جميع المكونات في الدماسة محكمة الغلق، أو وعاء محكم .
- يوضع عصير الليمون مع المكونات حتى لا يغمق الفول.
- يغطى الفول بالماء ويوضع على النار حتى يغلى تمامًا.
- تخفض درجة حرارة النار على الفول ويترك.
- يصب الماء المغلي على الفول كلما احتاج.
وبالهنا والشفا
إضافة منذ 7 عام
safaa
50508

التعليقات

Menem منذ 7 عام
يا واد يا طعمجى!!!
الباشمهندسة منذ 7 عام
ثوم وبصل اثناء التدميس !!! انتي مجربة الوصفة دي ولا ايه 😞
safaa منذ 7 عام
طبعا مجربة بس مش دائما باحط بصل وبيكون حسب الرغبة
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy