لا دموع بعد اليوم ؟؟؟؟

الواحد قبل مايستخدم الحاجة يسمى ويتوكل على الله ويكون على يقين بان لن يصيبنا الا ماكتب الله لنا ويرضى بقضاء الله بس

طبعا بسم الله الذي لا يضار مع اسمه شئ في الارض ولا في السماء وهو السميع البصير.

انا شايفة ان فيه ناس بتحاول تستغل انتشار الانترنت واستخدام الكمبيوتر في تشويه او عمل دعاية مضادة لبعض الحاجات عشان تكرة الناس في حاجات وتحببهم في حاجات .... يعني زي زمان كده ما كانو بيستخدمو الاشاعات للترويج لمنتج او التشهير بيه.
وطبعا لان فيه ناس بتستخدم الانترنت بدون وعي فهي بدورها بتنشر اي حاجة تلاقيها قال يعني من باب تةعية الاخرين ما يعرفوش انهم بكده بيساعدو الناس اللي اهدافهم مش نبيلة في نشر ثقافتهم او دعواهم وبكده ساعة الجد ما يبقاش فيه لوم عليهم ده موضوع علي الانترنت غير معروف مصدره والناس اتنقلته لحد ماصدقته وخلاص.
وممكن تبقي فيه حاجات صحيحة وبجد بس مين هيقدر يفرق عشان كده الواحد لازم يتحري الدقه عند نقل اي توعيات او تحذيرات او دعوات لاي شئ ويشوف المصدر فين الاول هل هو مكان موثوق فيه ولا شوية رغي منقول من علي الفيس بوك.

وربنا يلطف بينا وبلادنا

كلام صحيح 100 % لدرجة ان شوفت في احد المنتديات وطبعا منقول ان منتج معين لو مسحنا ترابيزة زجاج بيه هاتنقسم نصفين حاجة مش منطقية خالص

وفعلا الفيس بوك ممكن يكتبوا كلام كتير وفيه بعض الكلمات القليلة بيكونوا عايزين يروجوا حاجة بيها او ماتكونش صح وبتتنقل بسرعة جدا وماحدش بياخد باله منها وممكن تكون اصلا للضحك علينا علشان احنا شعب طيب وبيصدق بسرعة

ما الواحد عارف كده بس بأمانة لما اجي استعمل المنتج ببقى خايفة ليكون الكلام صحيح
هو فعلا نتوكل على الله وان شاء الله ربنا مش هايضرنا في شئ