فى حب الوطن

انا مندهش جدا من غفلتنا .. ومن زمان وانا بافكر فى الزبالة -- لا مؤاخذة -- وهى كنز حقيقى .. التجارب فيها متعددة زناجحة ومنتشرة فى العالم كله .. يعنى مفيش مسئول واحد فى مصر فكر فى استثمارها ؟ .. ساعات باحس ان المسالة مقصودة .. انها تفضل كده .. وتزيد اكتر واكتر لغاية ما الوطن كله يغطس فى الزبالة ويعفن وينتن وبعدين يولع ... ازاى ؟؟؟ من غاز الميثان .. ومقالب الزبالة فى الصيف بتعمل حرائق ذاتية .. فهمتوا النظرية ولا لسه ؟؟
يتولد غاز الميثان من القمامة المطمورة .. وهو مثل الغاز الطبيعى او غاز الاستصباح وغيرهما من الغازات الاشتعالية ...

من مدة شفت على التليفزيون برنامج عن قرية نسيت ان كانت فى المانيا او النمسا ، القرية كل طاقتها الكهربية وكل تموين سياراتها من الزبالة .. المحطة تشوفها تفرح من حلاوة منظرها ونظافتها والجمال اللى فيها ، ومش هتصدق ان دى محطة زبالة ..

طول ما انا باتفرج عمال اسب واشتم .. لا طبعا مش فيهم !!! التجارب دى قديمة جدا ..اتعملت فى قرية مشتهر لكن كانت بروث الماشية ..

بصراحة انا ملاحظ ان مفيش مسئول واحد بيحب البلد دى ولا بيحب اهلها اللى هم اهله .. مش فاهم ليه مفيش ولا محافظ فكر فى استخدام الزبالة فى توليد الطاقة فى محافظته ..

انا زهقت وقرفان جدا دلوقت .. اللى عايز يعلق او يكمل معايا اهلا بيه .. الموضوع مليان تفاصيل وكله خير .. وممكن يكون مشروع قومى ..