انا عشت راهب كل عمري وخايف من الجواز لكن أكيد انا كنت بحلم بواحدة بنت ناس .. أصل اللي تعبني وجابلي الويل ومنيمنيش ولا صبح وليل .. إن الجواز ده آخرته إما الجنان إما الإفلاس ....
فرحان بايه في عسلك يا عريس ما ده اسبوع كده ويدوب .. وتلاقي يعيني الأمطة اتربطت والوش المقلوب .. وفي شغل البيت كده راح تحتاس وتعيش على العدس وعلى القلقاس .. وتصبن مواعين في المطبخ يتنام جنب البوتجاز ..
وكمان شهرين وتلاقي الست حامل جنبك في البيت .. وتجبلك سلمى وحسنة وتامر وهريدي لو حبيت .. وتجر فلوسك يابن الناس كوافيل وسبوع وموغات واكياس .. وتكع فلوس ايشي في دروسهم .. في الجامعة و في الجواز ....
يا عريسنا افهم لا تشوف الويل لازم تاخد بتجارب الغير .. أصل الجواز ده آخرته إما الجنان .. إما الإفلاس
أغنية: فرقة قهوة سادة {{uf:159}}
